دۇيسەنبى, 6 جەلتوقسان 2021
2496 0 پىكىر 27 ءساۋىر, 2018 ساعات 08:46

وزبەكستان استاناسىنا جاڭا اكىم تاعايىندالدى

التى جىل بويىندا تاشكەنت اكىمى بولعان راحمونبەك ۋسمانوۆ باسقا قىزمەتكە اۋىستىرىلىپ، ونىڭ ورنىنا جاحونگير ارتىكحوجاەۆ تاعايىندالعان.

تاشكەنت قالاسى اكىمدىگىنىڭ سايتىندا جاحونگير ارتىكحوجاەۆ استانا اكىمى مىندەتىن اتقارۋشى قىزمەتىنە تاعايىندالدى دەگەن اقپارات جاريالاندى.

وعان دەيىن 43 جاستاعى جاحونگير ارتىكحوجاەۆ Tashkent City مەملەكەتتىك كاسىپورنىنىڭ ديرەكتورى ءارى Artel Engineering كومپانياسىنىڭ باسشىسى قىزمەتىن اتقارعان. سونىمەن بىرگە ارتىكحوجاەۆ اليۋميني جانە پلاستيك تەرەزە مەن ەسىكتەر جاساپ شىعاراتىن AKFA Group كومپانياسىنىڭ قوجايىنى.

ول ءىرى كاسىپكەر رەتىندە شاۆكات ميرزياەۆ بيلىككە كەلگەلى بەرى كورىنە باستادى. ەلدەگى ءىرى بيزنەس-جوبالاردى دا ءوزىنىڭ باقىلاۋىنا العان.

ەندى جاحونگير ارتىكحوجاەۆتىڭ كانديداتۋراسىن استانا اكىمى رەتىندە پرەزيدەنت ۇسىنعانىمەن، تاشكەنت قالالىق دەپۋتاتتارى بەكىتۋى كەرەك.

جەرگىلىكتى باق-تىڭ حابارلاۋىنشا، ەكس-مەر راحمونبەك ۋسمانوۆ وزبەكستاننىڭ اۆتوموبيل كولىگى اگەنتتىگىنىڭ توراعاسى قىزمەتىنە تاعايىندالعان.

Abai.kz

0 پىكىر