سارسەنبى, 3 ماۋسىم 2020
COVID-19 قازاقستاندا. جۇقتىرعاندار — 11571. جازىلعاندار — 5941. قايتىس بولعاندار — 44
ءجون-اق 3109 8 پىكىر 27 ءساۋىر, 2018 ساعات 08:43

Qazkom بانك كەشىرىم سۇرادى

وعىز دوعان اتتى ازامات Qazkom بانكتىڭ استاناداعى سارىارقا بولىمشەسىنە بارىپ، مەملەكەتتىك تىلدە قىزمەت الا الماعانىن ايتىپ، وقيعانى ۆيدەوعا ءتۇسىرىپ، الەۋمەتتىك جەلىدە جاريالاعان ەدى. ول جايىندا جەرىنە جەتكىزە جازدىق تا... ول وقيعا كەشەدەن بەرى ءبىراز قىزۋ تالقىعا ءتۇستى. كەشە كەشكە تامان Qazkom بانكى رەسمي كەشىرىم سۇرادى.

ۆيدەودا «كازكوممەرتسبانك» اق باسقارما توراعاسى ۋلف ۆوكۋركا ورىس تىلىندە بانك تۇتىنۋشىلارىنان كەشىرىم سۇرايدى جانە استاناداعى سارىارقا بولىمشەسىنىڭ باسشىسى مەن وعىز دوعانعا قازاق تىلىندە قىزمەت كورسەتپەگەن بانك قىزمەتكەرى دە بولعان جاعداي ءۇشىن كەشىرىم وتىنەدى.

سونداي-اق، جەلىدەگى بانكتىڭ رەسمي پاراقشاسىندا قازاقشا ماتىندە جاريالانعان.

«كازكوممەرتسبانك، 25 ساۋىردە استانا قالاسىندا «سارى-ارقا» بانك بولىمشەسىندە بولعان وقيعا ءۇشىن بارلىق قاتىسۋشىلار مەن كۋاگەرلەردەن كەشىرىم سۇرايدى.ءتىل تۋرالى زاڭعا سايكەس، بانك ءوز قىزمەتىن مەملەكەتتىك تىلدە، قازاق تىلىندە جانە رەسمي ستاتۋسى بار ورىس تىلىندە كورسەتەدى. كليەنتتەردىڭ سۇرانىسى بويىنشا جانە قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011 — 2020 جىلدارعا ارنالعان مەملەكەتتىك باعدارلاماسى بويىنشا بانك ءۇش تىلدە قىزمەت كورسەتۋگە دايىن. مەملەكەتتىك ءتىلدى جەتىك بىلەتىن ماماندار كازكوممەرتسبانكتىڭ بارلىق بولىمشەلەرى مەن كەڭسەلەرىندە بار. كليەنتتەرگە قىزمەت كورسەتەتىن بارلىق مەنەدجەرلەر مىندەتتى تۇردە مەملەكەتتىك ءتىلدى مەڭگەرگەن. استاناداعى «سارى-ارقا» فيليالىنىڭ قىزمەتكەرلەرى اراسىندا دا قازاق ءتىلىن جوعارى دەڭگەيدە بىلەتىن مەنەدجەرلەر بار. بۇل جاعدايدا دا ءبىز كليەنتكە قاجەتتى بانك قىزمەتىن قازاق تىلىندە ۇسىنا الار ەدىك، وكىنىشكە قاراي، تۇسىنبەۋشىلىك سالدارىنان بولىمشە قىزمەتكەرلەرى ەموتسياعا جۇگىنىپ، كليەنتكە قىزمەتتى دۇرىس كورسەتپەدى. قىزمەتكەرلەرىمىزدىڭ بۇل ءىس-ارەكەتتەرىن ءبىز اقتامايمىز. الايدا بۇل وقيعانىڭ بەينەتاسپاعا تۇسىرۋگە بايلانىستى سترەسستىك جاعداي تۇعىزعانىن اتاپ وتكىمىز كەلەدى. بولاشاقتا مۇنداي وقيعا قايتالانباس ءۇشىن ءبىز ءوز قىزمەتكەرلەرىمىزگە ءتيىستى وقىتۋ ترەنينگتەرىن وتكىزەمىز» دەلىنگەن بانك مالىمدەمەسىندە.

Abai.kz

8 پىكىر