سەيسەنبى, 26 قازان 2021
46 - ءسوز 3312 10 پىكىر 27 ءساۋىر, 2018 ساعات 08:35

وعىز تالاپ ەتتى، بانك كەشىرىم سۇرادى!

وعىز تالاپ ەتتى، بانك كەشىرىم سۇرادى! داۋ ءبىتتى! بانك ەندى قازاقشا جاقسى بىلەتىن ماماندار الا باستايدى. دەمەك، اۋىلدان شىققان قاراگوزدەردىڭ بىرنەشەۋىنە جۇمىس تابىلادى. اسەر-ىقپالى جاقسى قادام بولدى.

ال كەي قازاق وعىزدى مازاقتاپ جاتىر. ءبىز ونى تۇسىنبەيمىز، ول مەملەكەتىندە قوجايىن بولعان ۇلتتىڭ وكىلى. ءوز ۇيىندە قوجايىن بولعان ادام وزگە ءۇيدىڭ قوجايىنىنا قۇرمەتپەن قارايدى. ءبىز وزبەكتى، ارابتى دا تۇسىنبەيمىز... ءبىز سوۆەتتە 50 پايىز قازاق، 50 پايىز ورىس بولىپ ءومىر سۇردىك، بۇگىن 30 پايىز قازاق، 30 پايىز ورىس، 30 پايىز اعىلشىن، 10 پايىز قىتاي بولۋعا كوندىك. ۇرپاعىمىزدى سولاي تاربيەلەۋگە رۇقسات ەتتىك.

وعىز وندايدى ۇقپايدى، ءبىز ونى ۇقپايمىز. ەگەر وعىز بانكتە ورىسشا سويلەپ، قازكوم مەنەدجەرلەرمەن ىرجىڭداپ سەلفي جاساسا الدەقايدا ۇعىنىقتى بولار ەدى. مەنىڭشە، كەشىرىم سۇراتقانى - سازارىپ وتىرعان سولتۇستىگىمىزگە جاقسى ساباق. ال، ءىشى پىسىپ وتىرعاندارعا تاقىرىپ. سالعىلاسىپ وتىرىپ سويقان ويلار ايتىپ تاستايمىز...

توقتايىق، كەشىرىم جاسالدى، تاقىرىپ جابىلدى.

سەرىك ابىكەننىڭ Facebook-تەگى پاراقشاسىنان

Abai.kz

10 پىكىر