سەيسەنبى, 7 ءساۋىر 2020
COVID-19 قازاقستاندا. جۇقتىرعاندار — 662. جازىلعاندار — 46. قايتىس بولعاندار — 6
«سوقىر» فەميدا 3549 8 پىكىر 26 ءساۋىر, 2018 ساعات 10:16

Tاعدىردىڭ تەپە­رىشى مەن تەپكىسىن كورگەن تەك قانا – قازاق

قىتايداعى قازاقتار، شىنداپ كەلگەندە، ەجەلگى اتا-باباسىنىڭ قۇتتى قونىسىندا وتىر. بىراق، قاراقۇرىم قىتاي مۇنى وتە جاقسى بىلگەنىمەن، بىلمەگەن سىڭاي تانىتادى...

سوڭعى جىلدارى قىتايداعى قانداستارىمىزدىڭ اۋىر اقۋالى – جانىمىزعا تەرەڭ باتىپ كەلەدى. قوڭسىلىق قۇرمەت پەن ءجاي-جالتارما ءسوزدىڭ ۋاقىتى ءوتىپ بارادى. مەملەكەتارالىق، ۇلتارالىق ماسەلەگە – ازۋى التى قارىس امەريكا ارالاستى...

قىتاي ىشىندە دە، قازاق ەلىندە دە قارا قىتايدىڭ جانسىزدارى كوپ. سولار ەل اراسىنا سىنا قاعىپ، ءتىپ­تى، الەۋمەتتىك جەلىلەردە قازاق­تى – قازاققا قارسى ايداپ سالىپ، توپالاڭ جاساۋىن دوعارار ەمەس...

اسقار تاۋدىڭ ارعى جاعىندا دا، بەرگى بەتىندە دە تاعدىردىڭ تەپە­رىشى مەن تەپكىسىن كورگەن تەك قانا – قازاق.

ءبىزدىڭ بيلىك كور­مە­لەردىڭ مەيرامى مەن قالا­لاردىڭ مەرەيتويلارىن وتكىزۋمەن الەك. بىرقاتار قۇزىر­لى شەنەۋنىكتەردىڭ ەلدىڭ ماڭ­داي تەرى مەن جەردىڭ قازىنا-باي­لى­عىن ۇرلاۋدان قولدارى تيمەي جاتىر...
تاعى دا ەكى تۇيە سۇيكەنسە، اراسىن­دا قارا شىبىن جان تاپسىرۋدا...

ءوز باسىم، امەريكانى – سونشالىقتى ءتاۋىر كورمەيمىن. قىزىلتەرى حالىقتىڭ قانىن توگىپ، ەلىن بوپسالاعان ەلدەن ءۇمىتىم از. دەگەنمەن، امەريكا – قىتايداعى قازاقتارعا شىنايى جاناشىرلىقتان ەمەس، قۋاتتى قىتايعا كەزەكتى كۇش كورسەتۋ ءۇشىن عانا بايبالام كوتەرىپ وتىر.

مەنىڭشە، قازاق ءۇشىن ەكى الىپ ەلدىڭ تەكەتىرەسى ماڭىزدى ەمەس، ماڭىزدىسى – وسى ارادان قازاقتىڭ ۇپايىن تۇگەندەپ قالۋعا مەيلىنشە تىرمىسۋ كەرەك. بۇل ماسەلەگە ەلباسىمىز ورتا ازيالىق كورشىلەرىمىز – تاجىكتەر مەن وزبەكتەردى، تۇركىمەندەر مەن قىرعىزداردى – ارالاستىرسا، ءتىپتى، ءتيىمدى بولار ەدى. ويتكەنى، اۋسار ايدا­ھار وڭايلىقپەن تىنشي قوي­مايدى، ال، قازاق مازاسىزدانسا، قوڭسىلارىنىڭ اۋىلىندا دۇلەي داۋىل تۇرادى...

الگى ءبىر قازاقتىق قاس دۇشپانى-جانسىزدار: «پالەن دەگەن زيالى كىسى – قازاق مۇڭىنا جانى اۋىرىپ، ءبىر اۋىز ءسوز ايتقان جوق» – دەپ، ازعانداي قازاقتى الاتايداي ءبۇلدىرىپ ءجۇر...
ماسەلە – بىرەۋدىڭ الا توپتىڭ الدىنا شىعىپ، تاماعى جىرتىلعانشا ايقايلاۋىندا ەمەس...

ءاربىر نامىستى قازاقتىڭ كوزىندە جاس بار، قازىر...
جەر دە، جىگەر دە – قازاقتىكى...

قازاق بيلىگى جاساندى سىپاي­گەر­شىلىكتى ساقتاي وتىرىپ، وتانداستارىنا مەيلىنشە بەلسەندىلىكپەن اراشا ءتۇسۋى كەرەك. جەر بەتىندەگى ءاربىر قازاقتىڭ تاعدىرى – قازىرگى قازاق بيلىگىنىڭ ءجىتى باقىلاۋىندا ءھام جاۋاپكەرشىلىگىندە بولۋعا ءتيىس. ەل بولامىز دەسەك، ەتەگىمىزدى دە، ەسىمىزدى دە جينايىق!
ءۇمىتىمىزدى ۇزبەيمىز!

قاجىمۇقان عابدوللا

Abai.kz

 

8 پىكىر