ولاردىڭ ادۆوكاتى باقىت سۇلەيمەنوۆانىڭ سوزىنشە، ەكەۋىن دە الەۋمەتتىك جەلىلەردە "تەرروريزمدى ناسيحاتتادى" دەگەن كۇدىكپەن ۇستاعان.

"ولار ءبىز ەشنارسە تاراتپادىق. تەك ءبىزدىڭ ىلگەن اۋديونى تىڭداعان ادامدار بولعان. بىرەۋىنىڭ دوستىعىندا 420 ادام بولعان، ەكىنشىسىندە 300 ادام بولعان", — دەيدى ادۆوكات.

عالىمجان ابىلقايروۆتىڭ ايەلى جادىرا بەكەنوۆا تىيىم سالىنعان ءدىني اۋديولەكتسيانى كۇيەۋى مەن داداش ماجەنوۆتىڭ 2016 جىلى "ۆكونتاكتە" جەلىسى ارقىلى تىڭداعانىن، كەيىننەن ولاردى ءوشىرىپ تاستاعانىن ايتادى.

"بۇل ەكى جىل بۇرىن بولعان وقيعا. ول كەزدە بۇل فايلدارعا تىيىم سالىنباعان. تەك 2017 جىلى عانا تىيىم سالۋ جونىندە شەشىم شىققان. ودان كەيىن كۇيەۋىم ولاردى بىردەن ءوشىرىپ تاستادى. بىراق ولار ينتەرنەتتىڭ بازاسىندا قالىپ قويادى ەكەن (google-cash بولۋى مۇمكىن. —​ رەد.), ۇقك تاۋىپ العان،" - دەيدى جادىرا بەكەنوۆا.

ونىڭ سوزىنشە، داداش ماجەنوۆ "ۆكونتاكتە" جەلىسىندەگى پاراقشاسىن الدەقايدا ءوشىرىپ تاستاعان.

ۇلتتىق قاۋىپسىزدىك قىزمەتىنىڭ ءباسپاسوز قىزمەتى رەسمي سۇراۋسىز تۇسىنىكتەمە بەرۋدەن باس تارتتى.

Abai.kz