جۇما, 29 ناۋرىز 2024
3933 1 پىكىر 26 ءساۋىر, 2018 ساعات 09:55

تۇركىمەنستان پرەزيدەنتى ورتالىق ازيا باسشىلارىنىڭ كەزدەسۋ فورماتىن وزگەرتۋدى ۇسىندى

تۇركىمەنستان پرەزيدەنتى ورتالىق ازيا ەلدەرى باسشىلارىنىڭ كەڭەسىن قۇرۋدى ۇسىندى. ونىڭ پىكىرىنشە، ورتالىق ازيا باسشىلارىنىڭ كەڭەس بەرۋ القاسى دەگەن جاڭا ۇيىم جۇيەلى تۇردە، ءار ەلدىڭ استاناسىندا ءوتىپ تۇرۋ كەرەك.

تۇركىمەنستاننىڭ رەسمي باسىلىمدارىنىڭ جازۋىنشا، بەردىمۇحامەدوۆ باستاماسىمەن بەسجاقتى ەكسپەرتتىك توپ قۇرىلۋ قاراستىرىلىپ جاتىر. وندا جاڭا قۇرىلاتىن كەڭەستىڭ قۇرىلىمى مەن ۇيىمداستىرۋ ماسەلەلەرى تالقىلانادى.

تۇركىمەن پرەزيدەنتىنىڭ بۇل باستاماسى استانادا ورتالىق ازيا ەلدەرى باسشىلارىنىڭ كەزدەسۋىنەن ءبىر اي وتكەن سوڭ كوتەرىلدى. بۇل كەزدەسۋگە بەردىمۇحامەدوۆ ءوزى بارماي، ۇلى سەردار بەردىمۇحامەدوۆتى جىبەرگەن.

15 ناۋرىزدا استانادا وتكەن ورتالىق ازيا باسشىلارىنىڭ باس قوسۋى ءبىرىنشى كەڭەسۋ وتىرىسى دەپ اتالعان. بۇل وزبەكستان پرەزيدەنتى شاۆكات ميرزياەۆتىڭ باستاماسىمەن وتكەن. سوڭعى باس قوسۋدا ورتالىق ازيا ەلدەرى باسشىلارى جىل سايىن ناۋرىز مەيرامى قارساڭىندا كەزدەسىپ تۇرۋعا كەلىسكەن. كەلەسى باس قوسۋ 2019 جىلدىڭ ناۋرىز ايىندا تاشكەنتتە جوسپارلانىپ وتىر.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2257
عيبىرات

قايسار رۋحتى عازيز جان

مۇحتار قۇل-مۇحاممەد 3535