سەيسەنبى, 27 قازان 2020
COVID-19 قازاقستاندا. جۇقتىرعاندار — 110684. جازىلعاندار — 105766. قايتىس بولعاندار — 1796
1787 0 پىكىر 26 ءساۋىر, 2018 ساعات 09:34

تاجىكستاندا كۇدىكتىلەر كاسىپكەرلەر وتباسىن تاپسىرىسپەن ولتىرگەنىن مويىنداعان

حۋدجاند بازارىنداعى دۇكەننىڭ بىرىنە يەلىك ەتەتىن ەرلى-زايىپتى ماكسۋددجون مۇحامماددجونوۆ پەن يبودات نەماتۋللوەۆانى بىلتىر 18 قازانعا قاراعان ءتۇنى ۇيىندە ءولتىرىپ كەتكەن. كەيىن التى ادامنان تۇراتىن كۇدىكتى توپ قولعا تۇسكەن.

بۇل قاندى وقيعاعا قاتىستى جوعارعى سوتتا ءىستى قاراۋ پروتسەسى باستالعان. سوت وتىرىسى كەزىندە كۇدىكتىنىڭ ءبىرى ەرلى-زايىپتى كاسىپكەردى ارنايى تاپسىرىسپەن ولتىرگەنىن مويىنداعان.

وسىعان دەيىن ىشكى ىستەر مينيسترلىگىنىڭ ءباسپاسوز حاتشىسى ۋماردجوني ەمومالي كۇدىكتىلەردىڭ قالاي قولعا تۇسكەنىن بايانداعان.

«بيىل 26 قاڭتارعا قاراعان ءتۇنى باندا مۇشەلەرى رۋداكي اۋدانىندا ۋمەدا تۋرسۋنوۆانىڭ ۇيىنە ۇرلىققا تۇسكەن. ولار ءۇيدىڭ قوجايىنى مەن ۇمەدانىڭ باۋىرى ماحمۋد تۋرسۋنوۆتى ءولىمشى ەتىپ ساباعان. ولاردى ۇستاعان كەزدە، باندا مۇشەلەرىنىڭ كاسىپكەرلەر وتباسىنىڭ ولىمىنە قاتىسى بەلگىلى بولدى»، - دەگەن ۋماردجوني ەمومالي.

كۇدىكتىلەر كاسىپكەرلەر ۇيىنەن باعالى زاتتار مەن 75 مىڭ اقش دوللارىن الىپ كەتكەن.

Abai.kz

0 پىكىر