جۇما, 29 ناۋرىز 2024
ادەبيەت 5242 0 پىكىر 5 ءساۋىر, 2018 ساعات 13:17

وقۋشىلار اراسىندا «تۋعان ولكەم» بايقاۋى ءوتىپ جاتىر

«ماتريتسا.kz» قوعامدىق-ساياسي پورتالى بيىل ەكىنشى رەت «تۋعان ولكەم» («مەنىڭ قازاقستانىم») رەسپۋبليكالىق جاريالانىمدار بايقاۋىن وتكىزىپ جاتىر. قازىردىڭ وزىندە بايقاۋعا جۇزگە جۋىق شىعارما كەلىپ تۇسكەن.

«بىلتىر بايقاۋ قاتىسۋشىلارىنىڭ جاس ەرەكشەلىگىنە، ماماندىعىنا شەكتەۋ قويىلماعان ەدى، بيىل بۇل باسەكە تەك قانا 7-11 سىنىپ وقۋشىلارى اراسىندا وتكىزىلىپ جاتىر. اعىمداعى جىلدىڭ 15 اقپانىندا باستالىپ، 15 ساۋىردە اياقتالاتىن بولعان. بىراق اتا-انالار جانە ۇستازداردىڭ سۇراۋىمەن كونكۋرس مەرزىمىن 25 مامىرعا دەيىن ۇزارتتىق»، — دەيدى «تۋعان ولكەم» بايقاۋىنىڭ جاۋاپتى رەداكتورى جانات قاپالباەۆا.

كونكۋرسقا ۇسىنىلاتىن شىعارمالار ءوڭىردىڭ دامۋى، سول ايماقتاعى تانىمال جاندار، بيزنەسمەندەر، قىزىقتى كەيىپكەرلەر، جاستار مەن ولاردىڭ جاسامپاز باستامالارى، اۋىل اقساقالدارى، اۋىل-ايماقتىڭ تاريحى مەن تابيعاتى، تۋريستىك مۇمكىندىكتەرى سياقتى سان ءتۇرلى تاقىرىپتى قامتۋى ءتيىس.

«تۋعان ولكەم» بايقاۋىنا ساياساتتانۋشى ايدوس سارىم باستاعان كوميسسيا قازىلىق ەتەدى. كوميسسيا قۇرامىندا جۋرناليست نۇرلان ماحمۇدوۆ، جازۋشى ساكەن سىبانباي، «ءبىلىمنۇر» پورتالىنىڭ رەداكتورى ىزگىلىك ناعيەۆ، تانىمال جۋرناليستەر ءجازيرا بەگالى، پولينا شيمانسكايا، ءومىرجان ابدىحالىقۇلى، سەرىك مامبەتوۆ، نازيرا دارىمبەت، بيولوگيا عىلىمدارىنىڭ دوكتورى، پروفەسسور نۇعمان ارالباي جانە گەوگرافيا عىلىمدارىنىڭ كانديداتى، دوتسەنت سانات تۇگەلباەۆ بار.

جۇلدە قورى – 500 مىڭ تەڭگە. ءبىرىنشى ورىن يەگەرىنە – 100 مىڭ، ەكى 2-ورىنعا 50 مىڭ، ال ءۇش 3-ورىن جۇلدەگەرلەرىنە – 30 مىڭ تەڭگەدەن بۇيىرادى. ءبىر ەرەكشەلىگى – بيىل قاتىسۋشى وقۋشىلاردىڭ جەتەكشى ۇستازدارىنا دا ارنايى سىيلىق قاراستىرىلعان.

ۇيىمداستىرۋشىلاردىڭ ايتۋىنشا، بايقاۋعا قاتىسۋدا بەلسەندىلىك تانىتىپ جاتقان وڭىرلەر – اقمولا، قىزىلوردا، وڭتۇستىك، شىعىس قازاقستان وبلىستارى مەن الماتى قالاسى ەكەن.

ايتا كەتەيىك، ءسوز سايىسىنا قاتىسام دەگەن وقۋشىلار كولەمى كەم دەگەندە 1 بەتتىك ماقالا جازىپ، jannur2@gmail.com جانە novoekz@gmail.com (ەكى پوشتاعا) جىبەرۋى كەرەك. ماتەريالدى فوتو جانە بەينەماتەريالمەن كوركەمدەۋگە بولادى. بايقاۋعا قاتىسۋشى بارلىق ۇستازدار مەن وقۋشىلارعا قاتىسۋشى سەرتيفيكاتى جانە العىس حات تەگىن بەرىلەدى.

كونكۋرس جونىندە قانداي دا ءبىر سۇراقتار تۋىنداسا، مىنا نومىرگە حابارلاسىڭىزدار: +7 747 533 1883 (Whatsapp, Telegram)

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3555