بۇل ارنانىڭ جۋرناليستەرى ساياباقتاردا قۇشاقتاسىپ، ءسۇيىسىپ وتىرعان جاستاردى جاسىرىن كامەراعا ءتۇسىرىپ، ەفيردەن كورسەتەدى. بۇل جوبانىڭ اۆتورى ءارى جۇرگىزۋشىسى «باعدارلاما ادەپتەن اسىپ كەتكەن جاستاردىڭ جاعىمسىز قىلىقتارىن جاريالاۋ ارقىلى قوعامدى تاربيەلەۋ» دەپ مالىمدەدى.

ال وزبەكستاننىڭ ادىلەت مينيسترلىگى جاريالاعان رەسمي حاتتا «ءجۋرناليستىڭ كاسىبي قىزمەتىن قورعاۋ جونىندەگى» زاڭنىڭ 6-بابىنا سايكەس ءتىلشى ازاماتتاردىڭ قۇقىعىن، بوستاندىعىن، ارىن جانە جەكە ءومىرىن سىيلاۋ كەرەك» دەپ ەسكەرتكەن.

اتالعان مەكەمە جاستاردىڭ ارەكەتتەرىنەن زاڭعا قايشى كەلەتىن وعاش قىلىق كورمەيتىنىن دە اتاپ وتكەن.

باعدارلاما جۇرگىزۋشىسى بادريددين حۋسنيددينوۆ بولسا جاسىرىن كامەراعا ءتۇسىرۋ كەزىندە كەيىپكەرلەردىڭ جەكە ومىرىنە قول سۇقپاعانىن ايتادى. 22 جاستاعى جۇرگىزۋشى بۇل جۇمىسىن ءارى قاراي جالعاستىرا بەرەتىنىن اتاپ ءوتتى.

Abai.kz