بۇل تۋرالى جۋرناليست ماناس بيستاەۆ وزىنىڭ پاراقشاسىندا جازىپتى:

«نۇر وتان» پارتياسىنىڭ مۇشەسى، قر پرەزيدەنتى مۇراعاتىنىڭ ديرەكتورى بوريس جاپاروۆ پوليتسەيلەرگە قاتتى ۇرسىپ تاستادى:

«مەن بەينە ءبىر نيجني نوۆگورودتىڭ قۇقىق قورعاۋ ورگاندارى قىزمەتكەرلەرىنىڭ جينالىسىندا وتىرعاندايمىن. بۇل نە ماسقارا، قازاق تىلىندە ءبىر ءسوز ايتپادىڭدار عوي؟!

حالىق ساناعى كورسەتكەندەي، ەلدەگى قازاقتار حالىقتىڭ 70 پايىزىن قۇرايدى ەكەن.

ال مىنا جەردە 95 پايىز قازاقتار وتىر، سەندەر نەگە باسقا ەلدىڭ تىلىندە قاقىلداپ سويلەپ وتىرسىڭدار؟!

سوندا نە، «ورىسشا سويلەسەك قالاداعى قىلمىس دەڭگەيى ازايدى» دەپ ويلايسىڭدار ما?

مىنا «جەمقورلىقپەن كۇرەستەرىڭ» دە وتىرىك كۇرەس سياقتى. جەمقورلىقتىڭ سەبەبىمەن ەمەس، سودان تۋىنداعان سالدارىمەن كۇرەسىپ كەلەمىز.

مىسالى، گرۋزيا ءبىر جارىم جىلدىڭ ىشىندە پوليتسياداعى ورتا جانە تومەنگى دەڭگەيدەگى كوررۋپتسيانى تامىرىمەن جويدى. مەملەكەت ىشكى ىستەر ورگاندارىنىڭ قىزمەتكەرلەرىنە سونشالىقتى از اقشا تولەپ وتىر ما؟ وزبەكستانعا بارىپ، تاشكەنتتەگى گايشنيككە 2 دوللار بەرىپ كورشى، ول ساعان راحمەتىن جاۋدىرادى. ال بىزدە قالاي؟ ۇيات دەگەن بولۋ كەرەك،«، –دەگەنى سول-اق ەكەن, بوريس دجاپاروۆتىڭ بۇل سوزىنەن كەيىن الماتى قالاسىنىڭ ءىىد وفيتسەرلەرى تولعان زال دۋ قول شاپالاقتاپ كەتىپتى.

ەندى ويلاناتىن شىعار، دەيمىز. پوليتسەيلەر دە، بىزدەر دە، سىزدەر دە ويلانايىق تا…

دايىنداعان, ايدىن ولجاەۆ

دەرەككوزى dalanews.kz

Abai.kz