جۇما, 29 ناۋرىز 2024
3361 0 پىكىر 4 ءساۋىر, 2018 ساعات 09:02

شەكاراداعى جانجالدا تاجىك جانە قىرعىز ازاماتى جارالاندى

3 ساۋىردە بولعان تاجىك-قىرعىز شەكاراسىنداعى جانجالدا تاجىكستان شەكارا اسكەرىنىڭ قىزمەتكەرى مەن قىرعىزستان ازاماتى جارالاندى.

ەكى ەلدىڭ شەكارا قىزمەتىنىڭ مالىمەتىنشە، جارالانعانداردىڭ جاعدايى بىرقالىپتى. باتكەن وبلىسىنداعى قىرعىز-تاجىك شەكاراسىنداعى جانجالعا ۋچ-دوبو اۋىلى تۇرعىنىنىڭ جەرىنە قورشاۋ ورناتۋى سەبەپ بولعان ەكەن. بۇل ايماقتىڭ ءالى قاي مەملەكەتكە جاتاتىنى رەسمي شەشىلمەگەندىكتەن، اتالعان جەرگە كەز-كەلگەن شارۋاشىلىق جۇمىستارىن جۇرگىزۋگە تىيىم سالىنعان.

"قىرعىزستان ازاماتى ەسكەرتۋگە قۇلاق اسپاعان. بۇل تاجىكستاننىڭ حوجا-الو اۋىلى تۇرعىندارىنىڭ اشۋىن تۋعىزعان. ەكى تاراپتان 50 شاقتى ادام ءسوز تالاستىرىپ، سوڭى ءبىر-بىرلەرىنە تاس لاقتىرۋعا دەيىن بارعان", - دەپ حابارلايدى قىرعىزستان جانە تاجىكستاننىڭ شەكارا قىزمەتى.

جانجال جارتى ساعاتتان كەيىن توقتاعان. جەرگىلىكتى بيلىك وكىلدەرى اۋىل تۇرعىندارىمەن كەزدەسكەن.

الەۋمەتتىك جەلىلەردە جانجالدىڭ بەينە جازباسى پايدا بولدى. ول جەردە تاراپتاردىڭ ءبىر-بىرلەرىنە تاس لاقتىرىپ جاتقانىن كورۋگە بولادى.

قىرعىزستان مەن تاجىكستان اراسىنداعى مەملەكەتتىك شەكارا ۇزىندىعى 971 شاقىرىمدى قۇرايدى. ونىڭ 519 شاقىرىمى قاي ەلگە جاتاتىنى شەشىلمەگەن. ەكى ەلدىڭ شەكاراسىندا 70-كە جۋىق داۋلى ۋچاسكە بار.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606