سارسەنبى, 28 اقپان 2024
جاڭالىقتار 4794 6 پىكىر 3 ءساۋىر, 2018 ساعات 21:40

كەمەروۆوداعى ورتتەن كەيىن امان تولەەۆ وتستاۆكاعا كەتتى

كەمەروۆو وبلىسىنىڭ گۋبەرناتورى امان تولەەۆ رف پرەزيدەنتى ۆلاديمير پۋتينگە ءوز ەركىمەن قىزمەتىنەن كەتۋ تۋرالى ءوتىنىش تاپسىردى، دەپ حابارلايدى قازاقاپارت تاسس-قا سىلتەمە جاساي وتىرىپ.

ا. تولەەۆ كەمەروۆوداعى قايعىلى وقيعادان سوڭ ەڭ دۇرىس شەشىم وسى ەكەنىن مالىمدەگەن. «بۇل ءوزىم ءۇشىن دۇرىس، ساراپقا سالىنعان، ەڭ ءادىل شەشىم دەپ ەسەپتەيمىن، ويتكەنى مۇنداي اۋىر جۇكپەن گۋبەرناتور بولىپ وتىرۋ كەرەك ەمەس، مورالدىق تۇرعىدان مۇمكىن ەمەس»، – دەدى ول.

«كەمەروۆودا 25 ناۋرىزدا بولعان جانتۇرشىگەرلىك قايعىلى وقيعاعا قابىرعامىز قايىسىپ وتىر. ءبىز 64 ادامنان ايىرىلدىق، ولاردىڭ كوپشىلىگى – بالالار، ءبىزدىڭ بالالارىمىز. ارقايسىمىز وسىناۋ اۋىر قايعىنى جۇرەگىمىزدەن وتكىزدىك»، – دەيدى امان تولەەۆ. سونىمەن قاتار ول قولىنان كەلگەننىڭ ءبارىن ىستەگەنىن ايتتى.

«مەن قولىمنان كەلگەننىڭ ءبارىن ىستەدىم، كومەك كورسەتۋ ماسەلەلەرىن شەشۋگە تىرىستىم. زور قايعىعا تاعى ءبىر رەت ورتاقتاستىق بىلدىرەمىن. بىراق ءومىر ءسۇرۋ كەرەك قوي، مارقۇمدار جادىن ساقتاۋ ءۇشىن ءومىر ءسۇرۋ كەرەك»، – دەدى گۋبەرناتور.

«قۇداي الدىنداعى ادالدىعىمدى ايتايىن، مەن ءوز قىزمەتىمدە ارقاشان ەلدىڭ، رەسەيدىڭ مۇددەسىن، وبلىستىڭ مۇددەسىن ويلادىم. بارشاڭىزعا ۇنەمى، قۋانىشىمدا دا، قايعىمدا دا بىرگە بولعاندىقتارىڭىز ءۇشىن تاعى ءبىر رەت راحمەت. تاعزىمىمدى قابىل العايسىزدار»، – دەدى امان تولەەۆ. 73 جاستاعى امان تولەەۆ كەمەروۆو وبلىسىن 1997 جىلدان بەرى باسقارىپ كەلەدى.

اباي-اقپارات

 

6 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1621
ءالىپبي

لاتىن جايى

بيجومارت قاپالبەك 1698