جۇما, 29 ناۋرىز 2024
3496 1 پىكىر 3 ءساۋىر, 2018 ساعات 09:01

اشحاباد پوليتسياسى قازاقستاندىق ۇن ساتقانداردى تەرگەپ جاتىر

تۇركىمەنستان استاناسىندا پوليتسيا قىزمەتكەرلەرى ساۋدا نۇكتەلەرىن تەكسەرىپ، قازاقستاندىق ۇن ساتقانداردى تەرگەپ ءجۇر. بۇل تۋرالى ازاتلىك راديوسىنا 2 ساۋىردە اشحابادتاعى شولۋشى امانمۋرات بۋگاەۆ حابارلادى.

ونىڭ ايتۋىنشا، تۇركىمەنستاندا قازاقستان مەن رەسەيدە دايىندالعان ۇن ۇنەمى ساتىلىپ كەلگەن. وتكەن جىلى جەرگىلىكتى استىق از جينالىپ، قارا بازاردا دوللار باعامىنىڭ كوتەرىلۋى سالدارىنان تۇركىمەنستاندا ۇن كۇرت قىمباتتاپ كەتتى.

بۋگاەۆتىڭ حابارلاۋىنشا، 2 ساۋىردە 1 دوللار اشحابادتاعى قارا بازاردا 13,8 ساتىپ الىنىپ، 14,10 ماناتتان ساتىلعان. قارا بازارداعى دوللار باعامى ورتالىق بانك بەكىتكەن رەسمي باعامنان ءتورت ەسە جوعارى.

2017 جىلدىڭ اياعىنداعى ەكونوميكالىق قيىنشىلىقتارعا بايلانىستى تۇركىمەنستاندا رەسەي ۇنىنىڭ يمپورتى ەلەۋلى تۇردە ازايدى. بىراق وتكەن جىلدىڭ سوڭى مەن بيىلعى جىلدىڭ باسىندا اشحاباد بازارلارىندا قازاقستاننان اكەلىنگەن ۇن قۇندى تاۋارعا اينالدى.

بۇل تاۋاردىڭ كوبەيۋى مەن ونىڭ ساپاسىنا بيلىك كۇدىكپەن قاراپ، "قازاقستاندا جاسالعان" دەگەن جازۋى بار قاپتاردى مۇقيات قاراپ ءجۇر. سول سەبەپتى پوليتسيا ساتۋشىلاردان تاۋار قايدان كەلگەنىن دالەلدەيتىن قۇجاتتار تالاپ ەتكەن، ال مۇنداي قۇجاتى جوق ساۋداگەرلەر تەرگەلىپ جاتىر.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564