جۇما, 29 ناۋرىز 2024
3576 0 پىكىر 3 ءساۋىر, 2018 ساعات 08:59

بىشكەك قوعامدىق كولىك جۇيەسىن قايتا قارايدى

قىرعىزستاندا قوعامدىق كولىكپەن قامتاماسىز ەتۋ جۇيەسىن قايتا قاراپ، اۆتوبۋستاردىڭ تەز ارادا جولعا شىعۋ ماسەلەسىن شەشۋ كەرەك. قىرعىز پرەمەر-ءمينيسترى ساپار يساكوۆ مارشرۋتتى تاكسي جۇرگىزۋشىلەرىنىڭ ەرەۋىلى جونىندەگى ۇكىمەت وتىرىسىندا وسىلاي دەپ مالىمدەدى.

ونىڭ پىكىرىنشە، قوعامدىق كولىك ماسەلەسىن كەشەندى تۇردە شەشۋ كەرەك: بەيرەسمي اقى جيناۋدى دوعارۋ، ساقتاندىرۋ قۇجاتتارىمەن قامتاماسىز ەتۋ جانە جولاۋشىلاردىڭ قاۋىپسىزدىگى جونىندەگى بارلىق تالاپتاردى ورىنداۋ.

بۇل رەتتە پرەمەر كولىك كومپانيالارىنا ساقتاندىرۋ بويىنشا ەشقانداي جەڭىلدىك قاراستىرىلمايتىنىن ايتتى.

2 ساۋىردە بىشكەكتە مارشرۋتتى تاكسي جۇرگىزۋشىلەرىنىڭ دەنى جولاۋشىلاردى مىندەتتى ساقتاندىرۋ جۇيەسىنىڭ ەنگىزىلۋىنە نارازىلىق تانىتىپ، جۇمىسقا شىقپاي قويدى. ولار ايىپپۇل كولەمىن ازايتۋدى، جولاقى ءتاريفىن ءوسىرۋدى دە تالاپ ەتتى. بىراق استانا باسشىسى قوعامدىق كولىك جۇرگىزۋشىلەرىنە ەشقانداي جەڭىلدىك قاراستىرىلمايدى دەپ جاۋاپ بەرگەن.

1 ساۋىردە تاسىمالداۋشىنىڭ جولاۋشىلار الدىنداعى ازاماتتىق جاۋاپكەرشىلىگىن مىندەتتى ساقتاندىرۋ تۋرالى تالابى كۇشىنە ەندى. زاڭ بويىنشا، ءاربىر ورىندىق ساقتاندىرىلۋى كەرەك. ءبىر ورىندىقتىڭ جىلدىق ساقتاندىرۋ قۇنى - 136 سوم 60 تيىن.

قالا بيلىگىنىڭ مالىمەتىنە قاراعاندا، استانادا جولاۋشى تاسىمالداۋمەن 40 فيرما 120 باعىت بويىنشا جۇمىس ىستەيدى. كۇن سايىن 2700 مارشرۋتتى تاكسي جولعا شىعادى.

بۇعان قوسا بىشكەكتە 110 تروللەيبۋس جانە شامامەن 120 اۆتوبۋس جولاۋشى تاسيدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2273
عيبىرات

قايسار رۋحتى عازيز جان

مۇحتار قۇل-مۇحاممەد 3590