بەيسەنبى, 28 ناۋرىز 2024
3141 0 پىكىر 3 ءساۋىر, 2018 ساعات 08:55

وزبەكستاندا قارجى پيراميداسىنا "قالقان" بولعان ارنايى قىزمەت وفيتسەرى ۇستالدى

تاشكەنت وبلىسى تەرروريزم جانە ۇيىمداسقان قىلمىسپەن كۇرەس ءبولىمىنىڭ بۇرىنعى باسشىسى مانسۇر ميرزاەۆ ۇستالدى. ول سوت تىڭداۋلارى باستالعانشا قاماۋدا وتىرادى.

وزبەكستان ىشكى ىستەر مينيسترلىگىندەگى دەرەككوزدىڭ حابارلاۋىنشا، مانسۋر ميرزاەۆ 20 نارۋىزدا تاڭەرتەڭنەن كەشكە دەيىن سوزىلعان ارنايى وپەراتسيا بارىسىندا ۇستالعان. سول كۇنى تاعى جيىرمادان استام ادام قولعا تۇسكەنى حابارلاندى. اسكەري سوت ميرزاەۆتى سوتقا دەيىن قاماۋدا ۇستاۋعا شەشىم شىعاردى.

سوت مالىمەتىنە قاراعاندا، ميرزاەۆ بۇرىنعى باس پروكۋرور راشيد كادىروۆ پەن تاشكەنت قالاسى پروكۋرورىنىڭ ءبىرىنشى ورىنباسارى ميراگلام ميرزاەۆتىڭ قىلمىستىق ىستەرى اياسىندا ۇستالعان. مانسۋر ميرزاەۆ (بۇركەنشىك اتى «مالىش») ميراگلامنىڭ ءىنىسىنىڭ بالاسى.

وزبەكستان باس پروكۋراتۋراسى قىزمەتكەرىنىڭ سوزىنە قاراعاندا، مانسۋر ميرزاەۆقا "قىزمەتىن اسىرا پايدالانۋ" جانە "پارا الۋ" قىلمىستارى بويىنشا كۇدىك تاعىلعان. بۇعان قوسا ميرزاەۆقا "كاسىپكەرلەردىڭ مۇلكىن كۇشپەن تارتىپ الۋ، ولاردى قورقىتۋ جانە زاڭسىز كاسىپكەرلىككە "قامقوررلىق جاساۋ" ايىپتارى تاعىلۋى مۇمكىن.

"مانسۋر ۇلتتىق قاۋىپسىزدىك قىزمەتىنىڭ تاشكەنت وبلىستىق باسقارماسىندا جۇمىس جاساعان ۋاقىتتا گازالكەنت پەن چارۆاكتاعى كوپتەگەن كاسىپكەرلەردىڭ قوناق ۇيلەرى مەن مەيرامحانالارىن تارتىپ العان، ولاردى مازاق ەتكەن. ەڭ قىزىعى، ول وزبەكستانداعى ءىرى قارجى پيراميداسىنىڭ نەگىزىن قالاۋشى "احمادبايعا" "قالقان" بولىپ كەلگەن. سول ءۇشىن قىرۋار اقشا العان. "احمادباي" ۇستالعان كۇنى-اق مانسۋرعا قارسى كۋالىك ەتتى. سول جولى قىلمىستىق ءىس قوزعالماي قالعان. بۇل ماسەلە كادىروۆ پەن ميرزاەۆ ۇستالعاندا قايتا كوتەرىلدى. قازىر مانسۋردى نەگىزىنەن "احمادبايدان" العان پاراعا قاتىستى ءىس بويىنشا تەرگەپ جاتىر", – دەدى ءىىم قىزمەتكەرى.

ەسكە سالايىق، ەل اراسىندا "احمادباي" رەتىندە تانىلعان كاسىپكەر احماد تۋرسۋنباەۆ 2016 جىلى جازدا ۇستالدى. ول ءوزىنىڭ جاقتاستارىمەن بىرگە حالىقتان "ەكى ەسە ەتىپ قايتارىپ بەرەم" دەگەن ۋادەمەن اقشا مەن مۇلىك جيناعان. قۇقىققورعاۋ ورگاندارىنىڭ مالىمەتى بويىنشا، مىڭداعان ازامات قارجى پيراميداسىنىڭ قۇربانى بولدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530