بەيسەنبى, 23 مامىر 2024
46 - ءسوز 5526 6 پىكىر 2 ءساۋىر, 2018 ساعات 10:02

قىتاي قىسىمى جايلى...

قىتاي قىسىم ءدال قازىر وتە قىزۋ تالقىلاناتىن تاقىرىپتاردىڭ ءبىرى. قىتايدا 9 كۇن تۇرىپ، وسىدان 10 كۇن بۇرىن ورالدىم. شينجياڭ ولكەسىنىڭ (قىسىم قاتتى بولىپ تۇرعان ۇلتتىق اۋماق) ورتالىعى ءۇرىمجى قالاسىنا ءبىر كۇن عانا ايالدادىق. شارۋامىز ىشكى قىتايدا بولدى دا سول جاققا اتتانىپ، 8 كۇن قونىپ قايتتىق. جىجياڭ ولكەسىنىڭ ي ۇۋ دەگەن كىشكەنتاي قالاسىندا بولدىق.

ول جاق تىنىش ەكەن، جالپى ىشكى قىتاي مۇلدەم تىنىش، ەندى شە ادامدارى قازاق پەن ۇيعىردى ومىرلەرىندە بىرنەشە رەت قانا كورەدى عوي. تەك ءىستىڭ ادامدارى ەكەن، ءبىز بارعان قالانىڭ xالقى. اركىم ءوز شارۋاسىمەن قاربالاس، كليەنتتى قۇداسىنداي سىيلايدى، كىشىپەيىلدىگىمەن ءىشى باۋىرىڭا كىرەدى. ي ۇۋ قالاسى قىتايدىڭ ەڭ ۇلكەن xالىقارالىق ساۋدا ورتالىقتارىنىڭ ءبىرى، ول تۋرالى سىزدەرگە قىزىق بولسا كەلەسىدە جازايىن.

ءجا، ۇرىمجىگە ورالايىق! ءۇرىمجى اۋەجايىنا كەلىپ تۇسكەن بويدا كەدەن قىزمەتكەرلەرى قارسى الاتىنى بەلگىلى عوي، مەنىمەن بىرگە بارعان قازاقستاندا تۋىپ وسكەن جەرگىلىكتى 3 كىسىنى كوپ بوگەمەدى، ادەتتەگىدەي كەدەندىك راسىمدەرىن وتەگەن سوڭ جىبەردى، كەزەك ماعان كەلگەندە پاسپورتىمداعى تۋىلعان جەرى سhina دەگەن جازۋدى كورە سالا، شاشىن قىرىققان قاراتورى قىز بەتىمە جالت قارادى دا:

- قىتاي ازاماتتىعىنان قاشان باس تارتتىڭىز؟

- 2003 جىلى.

- قىتاي ازاماتتىعى كۇشىن جويعاندىعى جايلى انىقتاماڭىز بار ما؟

- جوق.

- نەگە جوق، ازاماتتىقتان باس تارتقانىڭىز راس پا؟

- ارينە راس، ول كەزدە ونداي انىقتاما بەرىلمەيتىن، ونىڭ قاجەتى دە بولمادى ...
...
ارى قاراي قىرىقپا شاشتى قىز تاعى ءبىر ەر ارىپتەسىن شاقىردى، ول مەنى شەتكە قاراي ءجۇرۋىمدى ءوتىندى، ول جەردەن مەنى ءبىر ۇيعۇر جانە ءبىر قازاق جىگىت كۇتىپ تۇر ەكەن، اڭگىمەنى سولارمەن جالعادىم، قىسقاسى "انىقتاما نەگە جوق، ۆيزانى قالاي اشتىڭ، مۇندا تۋىسقانىڭ بار ما؟ نە ماقساتپەن ءجۇرسىڭ؟ بۇرىنعى قىتاي قۇجاتىڭداعى اتى ءجونىڭ مەن مەكەن جايىڭ قانداي؟" دەگەن سياقتى سۇراقتار توڭىرەگىندە بولدى. سوتكالارىندا ارنايى قوسىمشا ورناتىلعان ەكەن، بەت الپەتىڭدى سكانەرلەپ تەكسەرەدى ەكەن. قازاقستان ازاماتتىعىن العاننان كەيىن دە قىتايدىڭ ەكىنشى بۋىن ۋدوستوۆرەنيەسىن جاساتقان بولساڭ سكانەرلەگەندە انىقتالادى ەكەن... سونىمەن قويشى ايتەۋ بارلىق دەرەگىمدى جازىپ الدى دا جىبەردى.

ىشكى قىتايعا بارىپ قايتا كەدەننەن وتەردە تاعى وسىعان ۇقساس كورىنىس پەن وسىعان ۇقساس سۇراقتار قايتا باستالدى... ءبىراز بوگەگەن سوڭ جىبەردى.

ەڭ باستىسى مەنەن تالاپ ەتكەنى قىتاي ازاماتتىعىنىڭ كۇشىن جويعانى جايلى انىقتاما، ەندى مۇنىسىن قاتە دەي المايمىن. بۇرىن مۇندايدى تەكسەرمەگەسىن ەندى ءبىلىنىپ جاتىر عوي. شىندىعىن ايتۋىمىز كەرەك، قازاقستان ازاماتتىعىمەن قوسا قىتاي ۋدوستوۆرەنيەسىن دە ۇستاپ جۇرگەن قانداستار وتە كوپ بولدى، كوپ اسقانعا ءبىر توسقان، قوس ازاماتتىققا الەمدە ەشقانداي ەل جول بەرمەيدى. قازاقستانعا كەلىپ تۇراقتى تىركەۋ (جاسىل كارتا) الىپ ەكى ەل اراسىندا ۆيزاسىز شاۋىپ جۇرگەندەر قانشاما ەدى باياعىدا. مويىنداۋىمىز كەرەك زاڭ بۇزۋ جاعىنان پاك ەمەس ەدىك، پاگىڭىز نە بەلدەن باستىق كەزىندە، ەندى وسىنىڭ ءبارىن قاتاڭ تەكسەرىپ جاتىر.

قازىرگى ساياسي قىسىمنىڭ سەبەبى وسى زاڭبۇزۋشىلىقتاردىڭ كەسىرى دەپ كەسىپ ايتۋعا دا كەلمەيدى، ءجىپتىڭ ءبىر ۇشىندا ۇلكەن ساياسات جاتقان دا شىعار...

جىبەرگەن قاتەلىكتەرىمىزدى دە مويىنداي بىلسەك، قاتەمىزدى تانىپ، ساباق الا بىلەيىك، مۇنىممەن قىتاي بيلىگىنىڭ ۇلتىمىزعا جاساعان قياناتىن اقتاعانىم ەمەس، قوردالى ماسەلەنىڭ 1 پايىزىن عانا وزىمشە بەزبەنگە سالعانىم دەپ بىلەسىزدەر!

سەرجان قاسەن

Facebook-تەگى پاراقشاسىنان

6 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2274
ادەبيەت

«سولاي ەمەس پە؟»

عابباس قابىشۇلى 2626
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2658
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1718