دۇيسەنبى, 20 مامىر 2024
3100 0 پىكىر 2 ءساۋىر, 2018 ساعات 09:36

تاجىك اۋە كومپانياسى رەسەي قالالارىنا ۇشاقتى توقتاتۋعا ءماجبۇر

«سومون ەير» اۋە كومپانياسى جولاۋشىلارعا 2 ساۋىردەن باستاپ دۋشانبە جانە حۋدجاند قالاسىنان رەسەيدىڭ 7 قالاسىنا ۇشپايتىنىن حابارلادى.

اۋە كومپانيا مۇنى رەسەي اۆياتسياسى جولداعان تەلەگرامماعا سايكەس ءماجبۇرلى شارا دەپ اتادى.

«سومون ەير» مالىمەتىنشە، تىزىمگە رەسەيدىڭ جەتى قالاسى - ەكاتەرينبۋرگ، يركۋتسك، قازان، كراسنودار، كراسنويارسك، سانكت-پەتەربۋرگ جانە سوچي كىرگەن. مۇنان بولەك ءساۋىر ايىنىڭ باسىندا حۋدجاندتان ماسكەۋگە قاتىنايتىن ۇشاق تا توقتايدى.

«رەسەيدىڭ كولىك مينيسترلىگى تاجىك اۋە تاسىمالداۋشىلارعا ءتيىستى باعىتتار بويىنشا ۇشۋعا رۇقسات بەرمەيدى. سەبەبى تاجىكستان «ۋرالسكيە اۆياليني» كومپانياسىنىڭ سۇرانىمىن قاناعاتتاندىرعان جوق» دەلىنگەن تەلەگراممادا.

الايدا دۋشانبە-ماسكەۋ-دۋشانبە، دۋشانبە-نوۆوسيبيرسك-دۋشانبە، حۋدجاند-نوۆوسيبيرسك-حۋدجاند، حۋدجاند-كراسنودار-حۋدجاند جانە كۋلياب-موسكۆا-كۋلياب باعىتىنداعى رەيستەر كەستەگە سايكەس ۇشا بەرەدى. اۋە كومپانيا بارلىق جولاۋشىلارعا ساتىپ العان بيلەتتەرىنىڭ قۇنى قايتارىلادى دەپ حابارلادى.

رەسەي مەن تاجىكستان اۋە قاتىناسىنداعى كيكىلجىڭ 12 ناۋرىزدا تاجىك تارابى «ۋرالسكيە اۆياليني» كومپانياسىنىڭ پەرمنەن دۋشانبەگە قاتىنايتىن ۇشاعىن قابىلداماعاننان كەيىن باستالدى.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2175
ادەبيەت

«سولاي ەمەس پە؟»

عابباس قابىشۇلى 2575
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2468
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1672