جەكسەنبى, 31 مامىر 2020
COVID-19 قازاقستاندا. جۇقتىرعاندار — 10382. جازىلعاندار — 5220. قايتىس بولعاندار — 38
1299 1 پىكىر 2 ءساۋىر, 2018 ساعات 09:31

رەسەي پوليتسەيى وعىنان وزبەك ميگرانتى ءبىر بۇيرەگىنەن ايىرىلدى

27 جاستاعى سامارقان تۋماسى اتحامبەك ماسكەۋدىڭ نوۆوگيرەەۆو اۋدانىنداعى كلينيكالىق اۋرۋحاناعا ىشىنە وق ءتيىپ تۇسكەن. پوليتسيا وزبەكتىڭ جاس ميگرانتىن كولىك اككۋمۋلياتورىن ۇرلاۋمەن اينالىستى دەپ ايىپتايدى.

تەرگەۋ ىسىندەگى دەرەككوزدىڭ حابارلاۋىنشا، پوليتسيا اتحامبەكتى جانە ەكى جولداسىن كولىك اككۋمۋلياتورىن ۇرلاۋمەن اينالىستى دەپ ايىپتايدى.

بىراق اتحامبەك پەن ونىڭ ادۆوكاتى قۇقىق قورعاۋ ورگاندارى تاققان ايىپتار نەگىزسىز دەيدى. اتحامبەك جاقىن دوستارىمەن سويلەسىپ تۇرعاندا، پوليتسيا شابۋىلىنا تاپ بولعانىن ايتادى.

"مەن ەشقانداي قارسىلىق كورسەتپەدىم – ولاردىڭ قولدارىندا تاپانشا بولدى. ەگەر مەن قارسىلىق بىلدىرسەم، ولار مەنىڭ اياعىما نەمەسە قولىما وق اتار ەدى عوي. مەن ەشنارسە ۇرلامادىم. ماسكەۋدە پاتەرلەردى جوندەۋ جۇمىستارىمەن اينالىسامىن. اقشانى ادال ەڭبەگىممەن تابامىن", – دەدى اتحامبەك.

ونىڭ ادۆوكاتى شۋحرات حامراكۋلوۆتىڭ ايتۋىنشا، پوليتسيا قىزمەتكەرلەرى قارۋدى ەسكەرتۋسىز قولدانعان. ناتيجەسىندە وق اتحامبەكتىڭ ءىشىن تەسىپ وتكەن.

"بىلۋىمشە، پوليتسيا ونى ۇستاۋ كەزىندە قارۋ قولدانعان. وق اتحامبەكتىڭ بۇيرەگىنە تيگەن. وعان وپەراتسيا جاساپ، بۇيرەگىن الىپ تاستادى. تەرگەۋ كوميتەتى بۇل ءىستى ءجىتى تەكسەرىپ، قارۋ قولدانعاندار جازاسىن الادى دەپ ۇمىتتەنەمىن", – دەدى شۋحرات حامراكۋلوۆ.

ءمالىم بولعانداي، پوليتسيا قىزمەتكەرلەرى اتحامبەكتى تەرگەۋ اباقتىسىنىڭ اۋرۋحاناسىنا الىپ كەتكەن.

Abai.kz

1 پىكىر