جەكسەنبى, 31 مامىر 2020
COVID-19 قازاقستاندا. جۇقتىرعاندار — 10382. جازىلعاندار — 5220. قايتىس بولعاندار — 38
1975 0 پىكىر 2 ءساۋىر, 2018 ساعات 09:29

وزبەكستاندا كوللەدج ستۋدەنتتەرى پرەزيدەنت الدىندا "جۇمىسشىلار ءرولىن" ويناعان

30 ناۋرىزدا وزبەكستان پرەزيدەنتى شاۆكات ميرزياەۆ جىزاق وبلىسىنا ساپارلادى. وندا ول «زاربدار توقىماسى» كاسىپورنىنىڭ جۇمىسىمەن تانىسقان. الايدا زاربدار اۋدانى تۇرعىندارىنىڭ ايتۋىنشا، جەرگىلىكتى بيلىك پرەزيدەنت الدىندا "شوۋ كورسەتكەن".

"پرەزيدەنت زاربدار اۋدانىنا كەلدى. بىراق جەرگىلىكتى بيلىك پرەزيدەنتتى تاعى الدادى. ونىڭ مۇندا كورگەنىنىڭ ءبارى كوزبوياۋشىلىق بولدى. ويتكەنى سول كۇنى توقىما كاسىپورنىندا بولعان قىزدار شىن مانىندە ول جەردە جۇمىس ىستەمەيدى. ولاردىڭ ءبارى – جەرگىلىكتى كوللەدج ستۋدەنتتەرى. پرەزيدەنت بولسا جاستاردى جۇمىسپەن قامتاماسىز ەتتى دەپ ءماز بولىپ كەتتى", - دەيدى جەرگىلىكتى تۇرعىننىڭ ءبىرى.

​ونىڭ سوزىنشە، 30 ناۋرىزدا ءوزى اتالعان كوزبوياۋشىلىقتى تاماشالاعان.

"پرەزيدەنت كەلەر الدىندا اۋىل شارۋاشىلىعى جانە ەكونوميكا كوللەدجىنىڭ ستۋدەنتتەرىن دايىندادى. ولاردى پرەزيدەنتكە ايتاتىن سوزدەردى جاتتاتتى. ستۋدەنتتەر سوندا جۇمىس ىستەيتىن سەكىلدى كورىندى", - دەيدى سۇحبات بەرۋشى.

جىزاق وبلىسى اكىمشىلىگىنىڭ شەنەۋنىگى «زاربدار توقىماسى» كاسىپورنى جۇمىس ىستەۋگە بەرىلگەنىن، جىل سوڭىنا دەيىن 1060 ادامدى جۇمىسپەن قامتاماسىز ەتەتىنىن ايتادى.

"30 ناۋرىزدا ءبىرىنشى جەلى ىسكە قوسىلادى. جاڭا جۇمىس ورىندارى اشىلادى. ءساۋىر ايىنىڭ سوڭىنا دەيىن 864 ادامدى جۇمىسقا الىنادى. جىل سوڭىنا دەيىن تاعى 196 جۇمىس ورنى اشىلادى. جالپى العاندا 1060 جەرگىلىكتى تۇرعىن جۇمىسپەن قامتاماسىز ەتىلەدى. پرەزيدەنت كاسىپورىندى كورىپ، قاتتى قۋاندى",- دەدى شەنەۋنىك.

Abai.kz

0 پىكىر