سەيسەنبى, 26 مامىر 2020
COVID-19 قازاقستاندا. جۇقتىرعاندار — 8969. جازىلعاندار — 4607. قايتىس بولعاندار — 35
جاڭالىقتار 2203 0 پىكىر 30 ناۋرىز, 2018 ساعات 12:50

قاراعاندىدا ح رەسپۋبليكالىق جۋرناليستيكا وليمپياداسى ءوتىپ جاتىر

 

ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە ح رەسپۋبليكالىق جۋرناليستيكا وليمپياداسى ءوتىپ جاتىر. اتالعان سايىسقا 16 جوعارعى وقۋ ورنىنان 48 ستۋدەنت قاتىسۋدا.

ءبىلىم باسەكەسى 2 كۇنگە جوسپارلاندى. وليمپياداعا قازاق تەلەۆيزياسىنىڭ 60 جىلدىعى ارقاۋ بولدى. سايىستىڭ اشىلۋ سالتاناتىندا فيلولوگيا فاكۋلتەتىنىڭ دەكانى ءابدۋوۆ مۇحامەتقالي ءىلياسۇلى ءسوز الىپ، قاتىسۋشىلارعا ساتتىلىك تىلەدى. جۇكتەلگەن تاپسىرما بويىنشا ستۋدەنتتەر سيۋجەت دايىنداپ، ەسسە جازدى. سونىمەن قاتار، بىرنەشە جۋرناليستيكا پاندەرىنەن  تەست تاپسىردى. وليمپيادانىڭ سوڭعى كۇنى ستۋدەنتتەر ءجۋرناليستىڭ جەدەلدىلىگىن ايقىنداۋ ماقساتىندا جەدەل اقپارات سايىسى بويىنشا سىنعا تۇسۋدە.

سونداي-اق، ستۋدەنتتەر مەن وقىتۋشىلار كەنشىلەر شاھارىنىڭ كورىكتى جەرلەرىن ارالاپ كوردى. ولار سارىارقا ارحەولوگيالىق مۇراجايى مەن ۋنيۆەرسيتەت مۋزەيىن تاماشالادى. مۇراجاي مەڭگەرۋشىسىنىڭ سوزىنشە، مۇنداعى ەڭ كونە جادىگەرگە 2000 جىل بولعان. ءار جادىگەر جەكە-جەكە نومىرلەنگەن. ستۋدەنتتەر ارقا جەرىنىڭ تالاي تاريحي قۇندىلىقتارىمەن تانىسىپ قايتتى.

اسلان قاجيەۆ

IT ۋنيۆەرسيتەتى

Abai.kz

0 پىكىر