جۇما, 29 ناۋرىز 2024
5343 1 پىكىر 30 ناۋرىز, 2018 ساعات 10:12

بابانوۆقا "بيلىكتى باسىپ الماق بولدى" دەگەن ايىپ تاعىلدى

قىرعىزستاننىڭ بۇرىنعى دەپۋتاتى ومۋربەك بابانوۆقا قاتىستى "بيلىكتى باسىپ الۋعا دايىندالۋ فاكتىسى بويىنشا ءىس" جەكە وندىرىسكە الىندى دەپ حابارلادى ازاتتىقتىڭ قىرعىز رەداكتسياسىنا قىرعىزستان مەملەكەتتىك ۇلتتىق قاۋىپسىزدىك كوميتەتىنىڭ ءباسپاسوز حاتشىسى راحات سۋلايمانوۆ.

ول سونىمەن قاتار دەپۋتات ومۋربەك بابانوۆتىڭ سەرىگى، بيلىكتى باسىپ الۋعا دايىندىق ءىسى بويىنشا كۇدىكتى قانات يساەۆ پەن تاعى ءۇش ازاماتقا قاتىستى ءىس بويىنشا تەرگەۋ اياقتالعانىن دا ايتتى.

تەرگەۋ دولبارىنشا، ولار "پرەزيدەنتتىككە كانديدات ومۋربەك بابانوۆتىڭ جاقتاستارىمەن بىرگە سايلاۋ ناتيجەسى بۇرمالاندى دەگەن سىلتاۋمەن بيلىكتى باسىپ الۋعا دايىندالعان".

مۇقك بابانوۆقا ىزدەۋ جاريالانىن، يا جاريالانباعانىن ايتپادى. "ارينە، قازىر تەرگەۋ جۇرگىزىلىپ جاتىر. قازىر ومۋربەك بابانوۆ قىرعىزستان اۋماعىندا ەمەس" دەدى سۋلايمانوۆ.

قىرعىزستاندا 15 قازاندا وتكەن سايلاۋدان سوڭ باس پروكۋراتۋرا بابانوۆتىڭ ۇستىنەن "كونستيتۋتسيالىق قۇرىلىمدى كۇشپەن وزگەرتۋگە جاريا تۇردە شاقىرۋ" جانە "ۇلتتىق، ناسىلدىك نەمەسە ءدىني جاۋلىق" باپتارى بوينىشا قىلمىستىق ءىس قوزعاعان. شەتەلدە جۇرگەن بابانوۆ ايىپتى تەرىسكە شىعارىپ، ءوزىن قۋدالاۋدى "باسسىزدىق" دەپ اتاعان. سايلاۋدا 33 پايىز داۋىس جيناعان ومۋربەك بابانوۆ سول كەزدەگى پرەزيدەنت المازبەك اتامباەۆتىڭ سەرىگى، 54 پايىز داۋىس جيعان سوورونباي جەەنبەكوۆتەن جەڭىلگەن.

مۇرات راقىمجان

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594