جۇما, 4 جەلتوقسان 2020
COVID-19 قازاقستاندا. جۇقتىرعاندار — 134706. جازىلعاندار — 118643. قايتىس بولعاندار — 2034
2121 2 پىكىر 30 ناۋرىز, 2018 ساعات 09:56

قاسىم-جومارت توقاەۆ رەسەي ەلشىسىمەن كەزدەستى

پارلامەنت سەناتىنىڭ توراعاسى قاسىم-جومارت توقاەۆ رەسەي فەدەراتسياسىنىڭ قازاقستانعا تاياۋ كۇندەرى كەلگەن ەلشىسى الەكسەي بوروداۆكيندى قابىلدادى.

سەنات توراعاسى كەمەروۆوداعى اپاتتا قازا بولعاندارعا بايلانىستى كوڭىل ايتتى. «ءبىز وسى وقيعادا قۇربان بولعانداردىڭ تۋىستارى مەن جاقىندارىنىڭ ورنى تولماس قايعىلىلارىنا ورتاقپىز»، دەدى ول. ق. توقاەۆ رەسەي فەدەراتسياسى فەدەرالدىق جينالىسى فەدەراتسيا كەڭەسىنىڭ توراعاسى ۆ. ماتۆيەنكوعا كوڭىل ايتۋ جەدەلحاتىن جولداعانىن ايتتى.

جۇزدەسۋشىلەر استانا مەن ماسكەۋ اراسىنداعى ءوزارا سەنىم مەن تۇسىنىستىكتىڭ جوعارى دەڭگەيىن اتاپ ءوتتى. ونى قالىپتاستىرۋدا مەملەكەت باسشىلارىنىڭ ءرولى زور ەكەنى ايتىلدى. ق.توقاەۆ: «ءبىز ۆ.ءپۋتيننىڭ رەسەي فەدەراتسياسىنىڭ پرەزيدەنتى بولىپ سايلانۋىن قازاقستان مەن رەسەيدىڭ وداقتاستىق قاتىناستارى مەن ستراتەگيالىق ارىپتەستىگىن دامىتۋ باعىتىنىڭ تابىستى جالعاساتىنىنا سەنىمدى كەپىلدىك رەتىندە قاراستىرامىز»، - دەپ اتاپ ءوتتى.

سەنات توراعاسى ەكى ەلدىڭ زاڭ شىعارۋ ورگاندارىنىڭ ءوزارا ءىس-قيمىلىنىڭ كەلەشەگىنە توقتالدى. تمد پارلامەنتارالىق اسسامبلەياسى مەن ۇقشۇ پارلامەنتتىك اسسامبلەياسىنداعى تىعىز بايلانىستار پارلامەنتارالىق ۇنقاتىسۋدىڭ ماڭىزدى قۇرالى بولىپ قىزمەت ەتەدى.

ق. توقاەۆ بيىلعى 10-11 قازانداعى الەمدىك جانە ءداستۇرلى دىندەر ليلەرلەرىنىڭ VI سەزى تۋرالى حاباردار ەتىپ، رەسەيدىڭ پراۆوسلاۆ شىركەۋى مەن باسقا دا ءداستۇرلى دىندەردىڭ جوعارى وكىلدەرىنىڭ قاتىساتىنىنا سەنىم ءبىلدىردى.

ق.توقاەۆ قازاقستانداعى ديپلوماتيالىق ميسسياسىنىڭ باستالۋىمەن ا. بوروداۆكيندى قۇتتىقتادى جانە رەسەي ەلشىسى جوعارى لاۋازىمىندا ول ءبىزدىڭ ەلدەر اراسىنداعى وداقتاستىق قاتىناستاردى نىعايتۋعا قوماقتى ۇلەس قوساتىنىنا سەنىم ءبىلدىردى.

Abai.kz

2 پىكىر