قاراعاندىدا شاحتادا جاراقاتتانعاندار وتەماقى ءوسىرۋدى تالاپ ەتەدى
قاراعاندىدا شاحتالاردا جۇمىس ىستەپ، جاراقات العان بۇرىنعى شاحتەرلار وتەماقىلارىن ءوسىرۋدى تالاپ ەتتى. ولار "قورعاۋ" كاسىپوداعىنا كومەك سۇراپ ءوتىنىش جاساعان.
"قورعاۋ" كاسىپوداعىنىڭ توراعاسى مارات ميرگايازوۆ "جەلتوقسانداعى كەنشىلەر ەرەۋىلىنەن كەيىن شاحتەرلاردىڭ ايلىعىن ءوسىردى. وسىدان سوڭ وندىرىستە جاراقات العان شاحتەرلار دا وزدەرىنە بەرىلەتىن وتەماقىنى كوتەرۋدى تالاپ ەتەدى" دەيدى.
كاسىپوداق ەڭبەك جانە حالىقتى الەۋمەتتىك قورعاۋ مينيسترلىگىنە حات جولداعان. الدا وسى ماسەلەگە قاتىستى دەپۋتاتتارمەن دە كەزدەسۋ وتكىزبەك.
قازىر قاراعاندى وبلىسىندا امت شاحتالارىندا جۇمىس ىستەپ، جاراقات العان ءۇش مىڭعا جۋىق ادام بار.
Abai.kz
