جۇما, 29 ناۋرىز 2024
3320 0 پىكىر 29 ناۋرىز, 2018 ساعات 09:40

الماتىدا 500 كۋاگەر جاۋابى مەن 153 تومنان تۇراتىن ءىس بويىنشا سوت باستالدى

28 ناۋرىزدا الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا بەيرەسمي تۇردە ء"ادىل قىتاي" دەپ اتالاتىن ۇيىمداسقان قىلمىستىق توپ مۇشەلەرىنە قاتىستى الدىن الا سوت تىڭداۋى باستالدى.

153 تومنان تۇراتىن قىلمىستىق ءىس بويىنشا 500-گە جۋىق كۋاگەردەن جاۋاپ الىنعان. ايىپتالۋشى 12 ادامعا ۇيىمداسقان قىلمىستىق توپ قۇرۋ، ادام ءولتىرۋ، الاياقتىق جانە لاۋازىمدى تۇلعالارعا پارا بەرۋ دەگەن بىرنەشە باپ بويىنشا ايىپ تاعىلعان.

الدىن الا تىڭداۋعا سۋديا باقىتحان باقىرباەۆ توراعالىق جاساپ وتىر.

بىلتىر 30 مامىردا ۇلتتىق قاۋىپسىزدىك كوميتەتى الماتىدا اۋداندىق ىشكى ىستەر باسقارماسىنىڭ بۇرىنعى باستىعى پولكوۆنيك قاسابەكوۆ پەن "قىلمىستىق توپتىڭ مۇشەلەرى" دەگەن كۇدىكتى بىرنەشە ادام ۇستالعانىن حابارلاعان.

ۇقك اقپاراتىنا قاراعاندا، كۇدىكتىلەر "ۇيىمداسقان قىلمىستىق ۇيىم قىزمەتىنىڭ جولىن كەسۋ بويىنشا" ارنايى وپەراتسيا كەزىندە ۇستالعان. قاسابەكوۆ بىلتىر قاراشادا "پارا الدى جانە قىزمەتتىك وكىلدەتتىگىن اسىرا پايدالاندى" دەپ ايىپتالىپ، بەس جىلعا سوتتالعان.

ۇقك-ءنىڭ حابارلاۋىنشا، قىلمىستىق ۇيىم وكىلدەرى "كاسىپكەرلەردەن قارجى بوپسالادى، كىسى ۇرلاپ، ءولتىرۋدى ۇيىمداستىردى، قازاقستان مەن قىتاي شەكاراسى ارقىلى كونتراباندا ارنالارىن ۇيىمداستىردى" دەگەن كۇدىككە ىلىنگەن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3559