سەنبى, 19 قىركۇيەك 2020
COVID-19 قازاقستاندا. جۇقتىرعاندار — 107199. جازىلعاندار — 101822. قايتىس بولعاندار — 1671
1879 0 پىكىر 29 ناۋرىز, 2018 ساعات 09:24

سەنات دەپۋتاتتارى «استانا» حالىقارالىق قارجى ورتالىعىنىڭ جۇمىسىمەن تانىستى

پارلامەنت سەناتىنىڭ قارجى جانە بيۋدجەت جانە ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتتەرى «استانا» حالىقارالىق قارجى ورتالىعىندا كوشپەلى وتىرىس وتكىزدى.

سەناتتىڭ قارجى جانە بيۋدجەت كوميتەتىنىڭ توراعاسى ولگا پەرەپەچينا قارجى سالاسىن «قايتا جاڭعىرتۋ» مەملەكەت باسشىسىنىڭ بيىلعى «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىنداعى مىندەتتەردىڭ ءبىرى ەكەنىن ەسكە سالدى.  سەناتور اتاپ وتكەندەي، ەكونوميكانى يننوۆاتسيالىق دامىتۋدا، ازاماتتاردىڭ ءال-اۋقاتىن ارتتىرۋدا جانە قازاقستاندى الەمدەگى ەڭ دامىعان 30 ەلدىڭ قاتارىنا ەنگىزۋ جولىنداعى اۋقىمدى ىستەردە «استانا» حالىقارالىق قارجى ورتالىعىنا ەرەكشە ءرول جۇكتەلىپ وتىر.

 «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ دەپۋتاتتار الدىندا ءسوز سويلەپ، «استانا» حالىقارالىق قارجى ورتالىعى: قالىپتاسۋ جانە كەلەشەگى» دەگەن تاقىرىپتا تانىستىرىلىم وتكىزدى. شاراعا قاتىسۋشىلار وتاندىق قور نارىعىن ودان ءارى دامىتۋ، يسلام قارجىلاندىرۋى، جەكە ادامدار مەن مەملەكەتتىك قور اكتيۆتەرىنە حالىقارالىق باسقارۋدى ەنگىزۋ، سونداي-اق قارجى تەحنولوگيالارى مەن قارجى ونىمدەرىن جەتىلدىرۋ سەكىلدى ورتالىقتىڭ ستراتەگيالىق باعىتتارى تۋرالى حاباردار ەتىلدى.

دەپۋتاتتار ا. بەيسەنباەۆ، س. ەڭسەگەنوۆ، گ. دۇيسەمباەۆ، م. كوبەنوۆ، د.ادىلبەكوۆ، ە. مۇقاەۆ جانە ب. شەلپەكوۆ «استانا» حالىقارالىق قارجى ورتالىعىنىڭ باسشىلىعىنا ورتالىقتىڭ جۇمىسى، ونىڭ قىزمەتىن قۇقىقتىق جانە ۇيىمداستىرۋداعى نەگىزگى ماسەلەلەرگە قاتىستى بىرقاتار ساۋالدار قويدى.

وتىرىستى قورىتىندىلاي كەلىپ، سەناتتىڭ قارجى جانە بيۋدجەت كوميتەتىنىڭ توراعاسى ولگا پەرەپەچينا ءبىزدىڭ ەلىمىزگە قارجى تەحنولوگياسى مەن يننوۆاتسيالارى جانە ينۆەستيتسيا تارتۋدا «استانا» حالىقارالىق قارجى ورتالىعى اۋقىمدى مۇمكىندىكتەردى ءتيىمدى پايدالانىپ، قازاقستاننىڭ قارجى ينفراقۇرىلىمىنىڭ ورتالىعى اتاناتىنىنا، كەلەشەكتە تمد مەن شەتەل ءۇشىن قارجى تورابى بولاتىنىنا سەنىم ءبىلدىردى.

«استانا» حالىقارالىق قارجى ورتالىعى قىزمەتىن تالقىلاۋ جانە وتىرىس بارىسىندا ايتىلعان اقپاراتتار سەناتتىڭ زاڭ شىعارۋ قىزمەتىندە پايدالانىلاتىن بولادى.

Abai.kz

0 پىكىر