جۇما, 27 قاراشا 2020
COVID-19 قازاقستاندا. جۇقتىرعاندار — 129213. جازىلعاندار — 115384. قايتىس بولعاندار — 1990
2148 1 پىكىر 28 ناۋرىز, 2018 ساعات 16:16

كەمەروۆودا ءورت قۇرباندارىن جەرلەۋ راسىمدەرى ءوتىپ جاتىر

epa06631988 Russian girl comfort each other, as they cry near a burnt shopping mall Zimnyaya Vishnya in the West Siberian city of Kemerovo, Russia, 27 March 2018. Reports state that at least 64 people reported including 41 children in the fatal incident. EPA-EFE/FEDOR BARANOV

 

رەسەيدە 28 ناۋرىز كۇنى كەمەروۆوداعى ساۋدا ورتالىعىندا بولعان ورتتەن قازا تاپقانداردى ازا تۇتىپ جاتىر. بۇگىن ءورت قۇرباندارىنىڭ الدى جەرلەنە باستايدى.

بۇنىڭ الدىندا قۇتقارۋشىلار ورتەنگەن ورىندا ىزدەستىرۋ جۇمىستارىن اياقتادى. ورتەنگەن عيماراتتان 64 مۇردە تابىلدى، دەپ حابارلادى توتەنشە جاعدايلار ءمينيسترىنىڭ ورىنباسارى ۆلادلەن اكسيونوۆ. بۇعان قوسا ول قازىرگى تاڭدا ءىز-ءتۇسسىز جوعالعاندار جوق ەكەنىن مالىمدەگەن.

تەرگەۋ كوميتەتى وكىلىنىڭ حابارلاۋىنشا، ءورت كەزىندە 67 ادام جوعالعانى تۋرالى تۋىستارىنان ارىز تۇسكەن. قايعىلى وقيعادان قازا تاپقانداردىڭ ءتىزىمى گەنەتيكالىق ساراپتاما ناتيجەسى شىقپايىنشا جاريالانبايدى. ءورتىڭ نەدەن تۇتانعانى ازىرگە بەلگىسىز.

27 ناۋرىزدا رەسەيدىڭ ونداعان قالاسىندا ءورت قۇرباندارىن ازا تۇتۋ ميتينگتەرى ءوتتى. سەيسەنبى كۇنى كەمەروۆوداعى اكىمدىك عيماراتى الدىنا جۇزدەگەن ادام جينالىپ، گۋبەرناتوردىڭ كەتىپ تالاپ ەتتى. امان تولەەۆتىڭ ءوزى حالىق الدىنا شىققان جوق. پرەزيدەنت ۆلاديمير پۋتين دە ميتينگكە كەلمەدى.

بۇگىن رەسەي كەمەروۆوداعى "زيمنيايا ۆيشنيا" ساۋدا جانە ويىن-ساۋىق ورتالىعىنداعى ءورت قۇرباندارىن ازا تۇتىپ جاتىر.

Abai.kz

1 پىكىر