جۇما, 27 قاراشا 2020
COVID-19 قازاقستاندا. جۇقتىرعاندار — 129213. جازىلعاندار — 115384. قايتىس بولعاندار — 1990
2055 0 پىكىر 28 ناۋرىز, 2018 ساعات 16:03

قىرعىزدار بىشكەكتەگى ساۋدا ورىندارىنا بويكوت جاريالادى

 

قىرعىزستاندا الەۋمەتتىك جەلى قولدانۋشىلارى 31 ناۋرىزدا بىشكەكتەگى ساۋدا ورتالىقتارىنا بويكوت جاريالاۋ تۋرالى حابارلار تاراتىپ جاتىر. تۇرعىندار ساۋدا ورتالىقتارىنىڭ ءورت قاۋىپسىزدىگى تۋرالى ەسەبىن تالاپ ەتۋدە. بۇعان قوسا بەلسەندىلەر ورتالىقتاردا ەۆاكۋاتسيا جاتتىعۋى وتكەنىن قالايدى.

مۇنداي ۇندەۋ جاريالاعاندار ساۋدا ورتالىقتارىنىڭ قوجايىندارىنا ادام ءومىرىنىڭ قۇندىلىعىن ەسكە سالعىلارى كەلگەن. بويكوت كەمەروۆوداعى ءورت قۇرباندارىن ەسكە الۋعا بايلانىستى جاريالانعان.

الەۋمەتتىك جەلى قولدانۋشىلارىنىڭ ۇندەۋىنە Asia Mall ساۋدا ورتالىعى قۇلاق اسىپ، 30 ناۋرىزدا ورتتەن ساقتانۋ جاتتىعۋىن وتكىزەتىن بولدى.

25 ناۋرىزدا رەسەيدىڭ كەمەروۆو قالاسىنداعى  "زيمنيايا ۆيشنيا" ساۋدا ورتالىعىندا ءورت شىقتى. رەسمي مالىمەت بويىنشا، 64 ادام قازا تاپقان، 60-تان استام ادام جارالانعان.

27-29 ناۋرىزدا كەمەروۆودا ازا تۇتۋ كۇندەرى جاريالاندى. ايماقتاعى ەلدى مەكەندەردە مەملەكەتتىك تۋ ءتۇسىرىلىپ، ويىن-ساۋىق شارالارىنا تىيىم سالىنعان. 28 ناۋرىزدا رەسەيدىڭ بارلىق ايماقتارىندا ازا تۇتۋ كۇنى جاريالاندى.

Abai.kz

0 پىكىر