سارسەنبى, 27 مامىر 2020
COVID-19 قازاقستاندا. جۇقتىرعاندار — 9304. جازىلعاندار — 4746. قايتىس بولعاندار — 37
1623 0 پىكىر 28 ناۋرىز, 2018 ساعات 09:49

استانا سوتى ورامالدى وقۋشىلاردىڭ اتا-انالارىنىڭ اپەللياتسيالىق شاعىمىن قاناعاتتاندىرمادى

استانا قالالىق سوتىنىڭ اپەللياتسيالىق القاسى 27 ناۋرىزدا ورامالدى وقۋشى قىزداردىڭ اتا-انالارىنىڭ ونداعان ارىزىن قاناعاتتاندىرمادى. وقۋشىلار وتكەن جىلدىڭ قىركۇيەگىنەن بەرى ورامالمەن مەكتەپكە كىرە الماي كەلەدى.

اپەللياتسيالىق شاعىمدا زاڭگەر ءبىلىم جانە عىلىم ءمينيسترىنىڭ جارلىعىنداعى 13-تارماقتى كونستيتۋتسياعا قايشا دەپ تانۋدى سۇراعان. 13-تارماق ء"دىني كيىم ەلەمەنتتەرىن مەكتەپ فورماسىنا قوسۋعا" تىيىم سالۋدى قاراستىرادى.

استانا سوتىنىڭ اپەللياتسيالىق القاسى ءوتىنىشتىڭ قابىلدانباۋ سەبەبىن تۇسىندىرمەدى. اتا-انالاردىڭ مۇددەسىن سوتتا قورعاۋشى زاڭگەر ميرجان عابدۋللين قازاقستاننىڭ جوعارعى سوتىنا شاعىمدانۋدى، ودان ناتيجە شىقپاسا، وندا بۇۇ ادام قۇقىقتارى جونىندەگى كوميتەتكە جۇگىنۋدى كوزدەپ وتىر.

"مەنىڭ قازاقستاندا بالامدى تەگىن وقىتۋعا قۇقىعىم بار، بىراق مەن قاشىقتان وقىتاتىن رەسەيلىك مەكتەپ باعدارلاماسىن تاڭدادىم. مەن، اتا-انا رەتىندە، بالاعا ءبىلىم بەرۋىم كەرەك. باسقا مەكتەپ فورماسى جوق، ال رەسەيگە نەمەسە باسقا جاققا كوشۋگە مۇمكىندىك جوق", - دەدى عابدۋللين.

Abai.kz

0 پىكىر