سەنبى, 28 قاراشا 2020
COVID-19 قازاقستاندا. جۇقتىرعاندار — 130039. جازىلعاندار — 116044. قايتىس بولعاندار — 1990
1765 0 پىكىر 28 ناۋرىز, 2018 ساعات 09:47

رەسەيدە 28 ناۋرىز ءورت قۇرباندارىن ازا تۇتۋ كۇنى دەپ جاريالاندى

رەسەيدە پرەزيدەنت ۆلاديمير ءپۋتيننىڭ جارلىعىمەن 28 ناۋرىز كەمەروۆو قالاسىنداعى "زيمنيايا ۆيشنيا" ساۋدا ورتالىعىندا بولعان ءورت قۇرباندارىن ۇلتتىق ازا تۇتۋ كۇنى بولىپ جاريالاندى.

بۇعان دەيىن رەسەيدىڭ بىرنەشە ايماعىندا كەمەروۆوداعى ورتتەن ونداعان قۇربان بولۋىنا بايلانىستى قارالى كۇن جاريالانعان. كەمەروۆودا بۇگىن قۇربانداردى ەسكە الۋ ماقساتىندا اياق استى ۇيىمداستىرىلعان اكتسياعا قاتىسۋشىلار بيلىكتى قارالى كۇندى "قازا تاپقانداردىڭ سانى انىقتالعاندا عانا جاريالادى" دەپ كىنالادى. رەسمي دەرەك بويىنشا، ورتتەن 64 ادام قازا تاۋىپ، 40-تان استام ادام زارداپ شەككەن.

سەيسەنبى كۇنى تۇسكە دەيىن كەمەروۆو قالالىق اكىمدىگى الدىندا ميتينگ ءوتتى. شاراعا قاتىسقاندار قايعىلى وقيعاعا جاۋاپتىلاردى جازالاپ، قازا تاپقانداردىڭ ناقتى سانىن ايتۋدى تالاپ ەتەدى. قازا تاپقانداردىڭ تۋىستارى مەن ءورت كەزىندە ساۋدا ورتالىعىندا قامالىپ قالعاندار رەسمي دەرەككە سەنبەيدى.

"زيمنيايا ۆيشنيا" ساۋدا جانە ويىن-ساۋىق ورتالىعىندا ءورت 25 ناۋرىز كۇنى كۇندىز باستالىپ، 26 ناۋرىز كۇنى تاڭەرتەڭ سوندىرىلگەن.

Abai.kz

0 پىكىر