جۇما, 4 جەلتوقسان 2020
COVID-19 قازاقستاندا. جۇقتىرعاندار — 134706. جازىلعاندار — 118643. قايتىس بولعاندار — 2034
1895 0 پىكىر 28 ناۋرىز, 2018 ساعات 08:59

سەناتتا كوشى-قونى ماسەلەلەرىنە قاتىستى زاڭ جوباسى قارالدى

پارلامەنت سەناتى الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ جۇمىسپەن قامتىلۋى جانە كوشى-قونى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى.

زاڭ جوباسى مەملەكەت باسشىسىنىڭ 2018 جىلعى 10 قاڭتارداعى «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جانە 2017 جىلعى 31 قاڭتارداعى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» حالىققا جولداۋلارىندا ايتىلعان تاپسىرمالاردى ورىنداۋ ماقساتىندا ازىرلەنگەن بولاتىن.

زاڭ جوباسىنىڭ ماقساتتارى: حالىقتى جۇمىسپەن قامتۋدىڭ مەملەكەتتىك قولداۋ تەتىكتەرىن جەتىلدىرۋ;

حالىقتى جۇمىسپەن قامتۋ ورتالىقتارىن رەفورمالاۋ جانە ەلەكتروندىق ەڭبەك بيرجاسىنىڭ بىرىڭعاي ونلاين-تۇعىرناماسىن قۇرۋ;

حالىقتىڭ كوشى-قونى سالاسىنداعى مەملەكەتتىك ورگانداردىڭ مىندەتتەرىن ءبولۋ بولىپ تابىلادى.

زاڭ جوباسىمەن بىرقاتار زاڭنامالىق اكتىلەرگە تۇزەتۋلەر ەنگىزىلەتىن بولادى.

بيۋدجەت كودەكسىنە رەسپۋبليكالىق بيۋدجەت تۋرالى زاڭ جوباسىنا كەزەكتى قارجى جىلىنا جاسىنا جانە ەڭبەك سىڭىرگەن جىلدارىنا بايلانىستى زەينەتاقى تولەمدەرىن كوتەرۋ مولشەرى تۋرالى ەرەجەنى مىندەتتى تۇردە ەنگىزۋدى كوزدەيتىن تولىقتىرۋ ەنگىزىلەدى.

اكىمشىلىك قۇقىق بۇزۋشىلىق تۋرالى كودەكستەن كاسىبي دايارلىقتان، قايتا دايارلىقتان جانە وندىرىستىك ىشكى وقۋدان وتكەندەر سانى تۋرالى حالىقتى جۇمىسپەن قامتۋ ماسەلەلەرى جونىندەگى مالىمەتتەردى ۋاكىلەتتى ورگانعا بەرۋ جونىندەگى مىندەتتەمەنى ورىنداماعانى ءۇشىن جۇمىس بەرۋشىلەرگە جاۋاپتىلىقتى كوزدەيتىن ەرەجە الىنىپ تاستالادى.

ەڭبەك كودەكسىنە مەديتسينا سالاسى قىزمەتكەرلەرىنە قوسالقى جۇمىسقا تىيىم سالماۋدى; جۇمىسشى زەينەت جاسىنا جەتكەننەن كەيىن جۇمىس بەرۋشىنىڭ ەڭبەك قاتىناستارىن توقتاتاتىنى تۋرالى حاباردار ەتۋدى; اۋىسىم سوڭىندا جۇمىسشىنىڭ كۋالاندىرۋدان ءوتۋى تۋرالى مىندەتتەمەسىن الىپ تاستاۋدى; جاڭا ۇجىمدىق شارت جاساسقانعا دەيىن ۇجىمدىق شارتتى ۇزارتۋ ارقىلى قولدانىستاعى تاجىريبەنى جاقسارتۋدى كوزدەيتىن تۇزەتۋ ەنگىزىلەتىن بولادى.

«قازاقستان رەسپۋبليكاسىنىڭ ازاماتتىعى تۋرالى» زاڭداعى وزگەرىستەر «ازاماتتىقتان ايىرىلۋ» جانە «ازاماتتىقتى جوعالتۋ» سوزدەرىنىڭ اۋىستىرىلۋىنا بايلانىستى بولىپ وتىر.

زاڭ جوباسى پالاتانىڭ قاراۋىنا جىبەرىلدى.

قازاقستان رەسپۋبليكاسى پارلامەنتى

سەناتىنىڭ ءباسپاسوز قىزمەتى

Abai.kz

0 پىكىر