جۇما, 29 ناۋرىز 2024
ءسۇيىنشى! 8848 40 پىكىر 12 ناۋرىز, 2018 ساعات 14:00

ۇلىقبەك ەسداۋلەت جازۋشىلار وداعىنىڭ توراعاسى بولىپ سايلاندى

الماتىدا اباي اتىنداعى وپەرا جانە بالەت تەاترىندا قازاقستان جازۋشىلار وداعىنىڭ كەزەكتى XV قۇرىلتايىندا بەلگىلى اقىن ۇلىقبەك ەسداۋلەت قازاقستان جازۋشىلار وداعى باسقارماسىنىڭ جاڭا توراعاسى بولىپ تاعايىندالدى ، - دەپ حابارلايدى اباي-اقپارات.

قۇرىلتايدى قر مادەنيەت جانە سپورت ءمينيسترى ارىستانبەك مۇحامەديۇلى اشىپ، ەلباسى نۇرسۇلتان نازارباەۆتىڭ قۇتتىقتاۋىن وقىپ بەردى. جيىندا نەگىزگى بايانداما جاساعان جازۋشىلار وداعىنىڭ بۇرىنعى توراعاسى نۇرلان ورازالين قالامگەرلەر وداعى اتقارعان جۇمىستارعا كەزەڭ-كەزەڭىمەن شولۋ جاساپ ءوتتى.

«قازاقستان جازۋشىلار وداعى كەڭەس وداعى كەزىندەگىدەي يدەولوگيالىق قۇرال ەمەس. ولاي بولۋى دا مۇمكىن ەمەس. ءبىز قۇقىقتىق قوعامدا ءومىر ءسۇرىپ جاتقان ەركىن قالامگەرلەردىڭ ەركىن بىرلەستىگىمىز. ونداعان، جۇزدەگەن قوعامدىق ۇيىمدار سياقتى ءبىز دە قوعامدىق بىرلەستىكتەردىڭ ءبىرى عانامىز. زاڭدا كورسەتىلگەن تالاپتارعا ساي جارعىمىزدا كورسەتىلگەن باپتارعا بايلانىستى ءومىر سۇرۋگە مىندەتتىمىز. بۇگىندە وداقتىڭ قۇرامىندا 780-نەن استام قالامگەر بار. ادەبيەت دەيتىن كيەلى ۇيىمعا 84 جىل يە بولعان جازۋشىلار وداعىنىڭ جۇمىسىن تۇگەل تۇگەندەۋ مۇمكىن ەمەس، ءبىز سوڭعى 5 جىلدا اتقارىلعان جۇمىستاردى ايتىپ شىقتىق. ۇيىم وداق نەگىزىن قالاعان الاش ارىستارى زامانىندا دا، ودان كەيىن مۇحتار، عابيتتەر باسشىلىق ەتكەن كەزەڭدە دە جويىلىپ كەتپەگەن. جازۋشىلار وداعىندا وتكەن 22 جىل مەن ءۇشىن ۇلكەن مەكتەپ بولدى. بارلىعىڭىزعا العىسىمدى ايتامىن. وزىمە باتا بەرگەن اعالارىم ارۋاعى الدىندا باسىمدى يەمىن. وسى مىنبەدەن بارلىعىڭىزعا ريزاشىلىعىمدى ايتا وتىرىپ، توراعالىققا سايلاۋعا تۇسپەيتىنىمدى جەتكىزگىم كەلەدى. ەندى جاڭادان سايلاناتىن باۋىرلارىمىزعا ساتتىلىك تىلەيمىن. ادەبيەتىمىز ماڭگى بولسىن!»، - دەدى نۇرلان ورازالين.

ال، جازۋشىلىر وداعىنىڭ جاڭا باسشىسى ۇلىقبەك ەسداۋلەت بولاشاقتا "رۋحاني جاڭعىرۋ" باعدارلاماسى اياسىندا جاڭا سەرپىنمەن جۇمىس جاسايتىنىن مالىمدەدى. وداق توراعاسىنىڭ ورىنباسارلىعىنا مەرەكە قۇلكەنوۆ، باۋىرجان جاقىپ، باقىت بەدەلحان، اقبەرەن ەلگەزەك  سەكىلدى ەلگە بەلگىلى قالامگەرلەردى ۇسىندى.

ءبىز جازۋشىلار وداعىنىڭ جاڭا قۇرامىن قۇتتىقتاپ، ىستەرىنە ساتتىلىك تىلەيمىز!

Abai.kz

 

40 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3577