جۇما, 29 ناۋرىز 2024
3559 0 پىكىر 6 ناۋرىز, 2018 ساعات 08:33

يم "سوعىس ءمينيسترىنىڭ" تاجىكستانداعى لاۋازىمدى تۋىسى قىزمەتىنەن كەتكەن

تاجىكستان ادىلەت مينيسترلىگى ءىىم ومون-نىڭ ەكس-كومانديرى، "يسلام مەملەكەتى" تەرروريستىك ۇيىمىنىڭ "سوعىس ءمينيسترى" گۋلمۋرود ءحاليموۆتىڭ باۋىرى، پودپولكوۆنيك سايدمۋرود ءحاليموۆتىڭ وستاۆكاعا كەتكەنىن راستادى.

دەرەككوزدىڭ حابارلاۋىنشا، پودپولكوۆنيك سايدمۋرود حاليموۆ ادىلەت مينيسترلىگى جازانى ورىنداۋ باسقارماسىنان بىلتىر گۋلمۋرود ءحاليموۆتىڭ ءۇش تۋىسىن ۇزاق مەرزىمگە سوتتاعاننان كەيىن كەتكەن.

ادىلەت مينيسترلىگىنىڭ حابارلاۋىنشا، سايدمۋرود حاليموۆ ءبىرىنشى رەت وستاۆكاعا كەتۋ تۋرالى ارىزدى 2015 جىلى جازعان. سول كەزدە گۋلمۋرود حاليموۆ سيرياعا كەتىپ، يم قاتارىنا قوسىلعانىن جاريالاعان. بىراق سايدمۋرود ءحاليموۆتىڭ ءوتىنىشى قابىلدانباعان. ادىلەت مينيسترلىگى باسشىلىعى سايدمۋرود حاليموۆقا سەنەتىنىن جەتكىزگەن. ​

دەرەككوزدىڭ ايتۋىنشا، سايدمۋرود حاليموۆ زاڭ تۇرعىسىنان عانا ەمەس، مورالدىق تۇرعىدان دا مەملەكەتتىك قىزمەتتە ىستەي المايتىنىن ايتقان. «تۇرمەدە تۋىستارى وتىرعاندا، ول بۇل جۇيەدە قالاي ىستەيدى؟»،- دەيدى دەرەككوز.

بىلتىر قازان ايىندا حاتلون وبلىستىق سوتى گۋلمۋرود ءحاليموۆتىڭ تۋىستارى كوميل حاليموۆ، نازير حاليموۆ جانە الي ءحاليموۆتى 7 جىلدان 18 جىلعا دەيىن باس بوستاندىقتارىنان ايىرۋ تۋرالى ۇكىم شىعاردى. تاجىك ارنايى قىزمەتىنىڭ اقپاراتى بويىنشا، ولار شەكارادان زاڭسىز ءوتىپ، يم توبىنا قوسىلماق بولعان.

ال قاشقىن پولكوۆنيكتىڭ قازىرگى تاعدىرى بەلگىسىز. 2017 جىلدىڭ قىركۇيەك ايىندا رەسەي قورعانىس مينيسترلىگى گۋلمۋرود ءحاليموۆتىڭ اۋە سوققىدان قازا تاپقانىن مالىمدەگەن. بىراق اقش بۇل اقپاراتتى راستاي المايتىنىن ايتقان. 2016 جىلى گۋلمۋرود حاليموۆ يم-ءنىڭ "ادىلەت ءمينيسترى" بولىپ تاعايىندالعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618