ماجيدوۆ جوعالىپ كەتكەنگە دەيىن، وزبەك تسيركىنىڭ مۇلىكتەرىن توناۋعا بايلانىستى تەرگەۋ ءىسى باستالعان ەكەن.

وزبەكستاننىڭ حالىق ءارتىسى باحروم ماجيدوۆ تاشكەنت مەملەكەتتىك تسيركىن وتىز جىلدان استام باسقارعان.

ءىىم حابارلاۋىنشا، بۇرىنعى ديرەكتور 1 ملرد سۋم كولەمىندە اقشا ۇرلادى دەگەن كۇدىككە ىلىنگەن.

"قازىر ءماجيدوۆتىڭ قايدا ەكەنىن ەشكىم بىلمەيدى. بىرەۋلەر ونى ماسكەۋ تسيركىندە جۇمىس ىستەيدى دەيدى. ونەر سالاسىنىڭ ادامى ەشقاشان دالادا قالمايدى. بىراق بۇل ادام تسيركتى وتە اۋىر جاعدايدا قالدىردى. قازىر جاڭا ديرەكتور تاعايىندالدى. ماسەلە بىرتىندەپ شەشىلەدى دەپ ۇمىتتەنەمىز", – دەيدى تسيرك قىزمەتكەرى.

اتى-ءجونىن قۇپيا ۇستاۋدى ءجون كورگەن تاعى ءبىر تسيرك قىزمەتكەرى باحروم ماجيدوۆ تسيركتەگى اڭداردى سيىر ەتىنىڭ ورنىنا ەسەك ەتىمەن قورەكتەندىرگەنىن ايتادى.

ء"بىر بارىس تاۋلىگىنە 6-7 كەلى ەت جەيدى. ولارعا سيىر ەتىنىڭ ورنىنا باعاسى ءۇش ەسە ارزان ەسەك ەتىن بەرىپ كەلدى. بىراق قۇجاتتا سيىر ەتى دەپ كورسەتتى. تسيركتە جانۋارلار كوپ. ەندى ءوزىڭىز ويلاي بەرىڭىز، بيۋدجەت اقشاسى قالاي ۇرلانعانىن. مۇنان بولەك ماجيدوۆ شەتەلگە تسيركتىڭ اكروباتتارىن جەتىلدىرۋگە جىبەرىپ، بىراق كەلىسىم-شارتتا كورسەتىلگەن اقشانىڭ جارتىسىن ءوزى الىپ وتىرعان", – دەيدى تسيرك قىزمەتكەرى.

Abai.kz