ميرزياەۆ بۇل سوزدەرىن تاشكەنتتە 27 اقپاندا يمپورت جانە ەكسپورتقا ارنالعان ۇكىمەتتىڭ ۆيدەوسەلەكتورلىق جينالاسىندا ايتقان سەكىلدى.

وندا ميرزياەۆ «مەملەكەتتىك شەنەۋنىكتەرگە ادال جۇمىس ىستەۋ ءۇشىن بارلىق جاعداي جاساعانىن، ەندى ولاردىڭ حالىققا جۇمىس ىستەۋ ءۇشىن قاتاڭ تالاپ ەتەتىنىن» ايتادى.

«ەرتەڭ قاۋلى جارىق كورەدى. مينيسترلەرگە، حوكيم جانە اتقارۋشى بيلىك وكىلدەرىنە سالتاناتتى شارالارعا بارۋعا تىيىم سالىنادى. ەگەر شايحانالاردان مەملەكەتتىك ءنومىرى بار كولىكتەردى كورەتىن بولسام، ونىڭ يەسىن بىردەن جۇمىستان شىعارامىن»، – دەيدى شاۆكات ميرزياەۆ.

وزبەك پرەزيدەنتىنىڭ سوزدەرىنشە، ەلدەگى كوررۋپتسيانى جويۋ ءۇشىن داڭعازا ۇيلەنۋ توي وتكىزىپ، مەملەكەتتىك شەنەۋنىكتەردى سالتاناتتى شارالارعا قاتىسۋعا تىيىم سالۋىنا تۋرا كەلگەن.

«بىردە ءبىر شەنەۋنىك، مەنى دە قوسقاندا تۋعان كۇنگە، ۇيلەنۋ تويلارىنا بارمايدى. مۇنىڭ ءبارى حالىقتىڭ اشۋىن تۋعىزادى. سالتاناتتى شارالار ەندى جوعارى لاۋازىمدى شەنەۋنىكتەردىڭ قاتىسۋىنسىز وتەدى. پرەمەر-مينيستر ورىنباسارلارىمەن تويعا بارادى. وعان جينالعان حالىق تىك تۇرىپ قىزمەت ەتەدى. تويعا شاشقان اقشاعا كەدەيلەرگە كومەك كورسەتىڭدەر، تەلەۆيزور ساتىپ اپەرىڭدەر»، – دەيدى وزبەكستان پرەزيدەنتى.

ميرزياەۆتىڭ سوزدەرىنشە، سەناتتىڭ جاڭا قاۋلىسىنا سايكەس، تويعا كەمىندە 150 ادام، تاڭعى پالاۋعا 200 ادامنان ارتىق شاقىرۋعا رۇقسات ەتىلمەيدى.

Abai.kz