جۇما, 29 ناۋرىز 2024
3437 1 پىكىر 2 ناۋرىز, 2018 ساعات 08:52

اقتوبەدە اۋدارىلعان اۆتوبۋس جۇرگىزۋشىسى ءىستى بولدى

اقتوبە وبلىسىنىڭ حرومتاۋ اۋدانىندا وتكەن اپتادا اۋدارىلعان اۆتوبۋستىڭ جۇرگىزۋشىسى، 1983 جىلى تۋعان وڭتۇستىك قازاقستان وبلىسىنىڭ تۇرعىنى مارات بەگىمقۇلوۆتىڭ ۇستىنەن قىلمىستىق ءىس قوزعالدى.

ەشقايدا شىقپاۋ تۋرالى قولحات بەرگەن مارات بەگىمقۇلوۆ قازىر اقتوبە قالاسىندا. بۇل تۋرالى 1 ناۋرىز كۇنى اقتوبە وبلىستىق اكىمدىگىندە وتكەن ءباسپاسوز ءماسليحاتى كەزىندە وبلىستىق ىشكى ىستەر دەپارتامەنتى ء(ىىد) جەرگىلىكتى پوليتسيا قىزمەتى جول قوزعالىسىن ۇيىمداستىرۋ جانە قاداعالاۋ ءبولىمىنىڭ باستىعى ايدوس قۇلجانوۆ ايتتى.

- اۋدارىلعان اۆتوبۋس جۇرگىزۋشىسىنىڭ ۇستىنەن قىلمىستىق كودەكستىڭ 345-بابى بويىنشا ءىس قوزعالدى. قازىر تەرگەۋ امالدارى جۇرگىزىلىپ جاتىر، - دەدى ايدوس قۇلجانوۆ.

25 اقپاندا وڭتۇستىك قازاقستان وبلىسىنىڭ 35 جاستاعى تۇرعىنى مارات بەگىمقۇلوۆ مەملەكەتتىك ءنومىرى KZ 914 CMB 13 Mercedes ماركالى اۆتوبۋسىمەن رەسەيدەن كەلە جاتقاندا رولگە يە بولا الماي، اۆتوبۋس جىراعا ءتۇسىپ كەتىپ، اۋدارىلعان. سالدارىنان اۆتوبۋستا بولعان وزبەكستاننىڭ جەتى ازاماتى ءتۇرلى جاراقات الدى. رەسمي مالىمەت بويىنشا، اۆتوبۋستا 25 جولاۋشى بولعان.

حرومتاۋ اۋداندىق ورتالىق اۋرۋحانا باس دارىگەرىنىڭ ورىنباسارى ليۋدميلا ۆولنەنكونىڭ ازاتتىق تىلشىسىنە ايتۋىنشا، جول اپاتىنان سوڭ اۋرۋحاناعا توعىز ادام، ونىڭ ىشىندە ءۇش ايەل جەتكىزىلگەن. زارداپ شەككەندەر نەگىزىنەن جەڭىل جاراقات العان. زارداپ شەككەندەردىڭ ەڭ كىشىسى 1997 جىلى، ەڭ ۇلكەنى 1961 جىلى تۋعان. «ميى شايقالدى» دەلىنگەن ءبىر ايەل اۋرۋحاناعا جاتۋدان باس تارتقان. ءتيىستى ەم-دوم جاسالعان سوڭ ولار وزبەكستانعا قايتىپ كەتكەن.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541