بەيسەنبى, 28 ناۋرىز 2024
جاڭالىقتار 3892 2 پىكىر 1 ناۋرىز, 2018 ساعات 12:52

اماندىق باتالوۆ سۋ تاسقىنىنان زارداپ شەككەن اۋدانداردى تەكسەردى

الماتى وبلىسىنىڭ اكىمى اماندىق باتالوۆ سۋ باسقان اۋىلدارعا ءوزى بارىپ، ءۇش اۋداننىڭ حال-احۋالىمەن تانىستى. تالعار اۋدانىنداعى تۇزدىباستاۋ اۋىلىندا ەرىگەن قار سۋىنان بىرقاتار ۇيلەردىڭ اۋلاسىنا سۋ كىرگەن. ايماقتاعى احۋالدى ساراپتاعان اكىم جۇمىس ىستەپ جاتقان تەحنيكا سانىن كوبەيتۋدى تاپسىردى. سۋدى سورعىلاۋ ءۇشىن ءورت ءسوندىرۋ كولىكتەرىن دە جۇمىلدىرۋ قاجەتتىگىن ايتتى.

وبلىس اكىمى قاراساي اۋدانىنا قاراستى قىرعاۋىلدى جانە اباي اۋىلدارىنا دا ات باسىن بۇردى. بۇل جەردە قازىر ەرىگەن قار سۋىنىڭ سالدارىن جويۋعا 3 ەكسكاۆاتور مەن جۇك كولىگى جانە 25 ادام جۇمىس ىستەپ جاتىر. ارىقتاردىڭ ارنالارى تەرەڭدەتىلىپ، جاعاسى قۇم سالىنعان قاپتارمەن بوگەتتەر تۇرعىزىلۋدا. قۇتقارۋشىلار مۇقتاج تۇرعىنداردىڭ بارلىعىنا كومەك كورسەتۋدە.

سونىمەن قاتار، وبلىس باسشىسىنىڭ ەكىنشى باعىتى قاراساي اۋدانى قاسكەلەڭ قالاسى بولدى. مۇندا ىرگەلى كوشەسىنە باردى.

«سوڭعى كۇندەرى ەرىگەن قار سۋىنان جاعداي ەداۋىر كولەمدە ۇلعايىپ جاتىر. قالا كوشەلەرى مەن اۋلالارىنا جينالعان سۋدان تازارتۋ جۇمىستارىنا 100-گە جۋىق ادام جۇمىلدىرىلدى. شامالعان اۋىلىندا دا سۋ باسقانىن ايتىپ ول جەردە دە جۇمىس كۇشەيتىلگەنىن، 10 شاقتى تەحنيكا، قىزىل سۋ اۋىل ماڭىنداعى القاپتاردا 80 ادام  توقتاۋسىز جۇمىس ىستەپ جاتىر»،-دەدى اۋداندىق اكىمنىڭ ورىنباسارى، توتەنشە جاعدايلار جونىندەگى اۋداندىق كوميسسيانىڭ توراعاسى نۇرجان ساتۋبەكوۆ.

كەشە كەشكە قاراي جامبىل اۋدانى توتەنشە جاعداي جاريالاعان بولاتىن. ءوڭىر باسشىسى وزگە وڭىرلەردەن ەداۋىر كوپ زارداپ شەككەن قاينازار اۋىلىندا دا بولدى. قۇتقارۋشىلار مەن ۇلتتىق گۆارديا جاۋىنگەرلەرىنىڭ جىلدام قيمىلداعانىنىڭ ارقاسىندا سۋ اۋىلدان تىس باعىتقا بۇرىلدى.

اماندىق باتالوۆ سۋ كىرگەن بىرنەشە ۇيدە بولىپ تۇرعىندارمەن كەزدەستى. اڭگىمە بارىسىندا باسپانالار ەشقانداي رۇقساتسىز سالىنعانى انىقتالدى. ەكى ءۇيدىڭ دە قۇجاتتارى تولىق بولماي شىقتى. بىرىندە جالعىز باستى انا، ەكىنشىسىندە سوزىلمالى اۋرۋمەن اۋىراتىن ناۋقاس تۇرىپ جاتىر. ەكى وتباسىنىڭ اۋىر جاعدايى ەسكەرىلىپ، وبلىس اكىمى اۋدان باسشىلارىنا زارداپ شەككەندەرگە بارلىق قاجەتتى كومەك كورسەتۋدى تاپسىردى. ارنايى قۇرىلعان كوميسسيا ءۇي-ءۇيدى ارالاپ،  سۋدان زارداپ شەككەندەردىڭ ءتىزىمى جاسالاتىن بولدى.

ءوڭىر باسشىسى ساپاردى قورتىندىلاي كەلە جاعداي تولىق سارالانىپ،  اكت جاسالعاننان كەيىن قاجەتتى كومەك كورسەتىلەتىنىن تىلگە تيەك ەتتى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530