جۇما, 29 ناۋرىز 2024
3540 0 پىكىر 1 ناۋرىز, 2018 ساعات 08:39

قىرعىز-وزبەك شەكاراسىندا جۇزدەگەن ادام كەزەكتە تۇر

قىرعىزستاننىڭ وزبەكستانمەن شەكاراسىنداعى «دوستۋك» كەدەن بەكەتىندە تاعى كەزەك پايدا بولدى. ازاتتىقتىڭ قىرعىز رەداكتسياسى ءتىلشىسىنىڭ ەسەپتەۋىنشە، بەكەتتە ءبىر جارىم مىڭعا تارتا ادام شەكارادان وتۋگە كەزەكتە تۇر. شەكاراشىلار ەگدە كىسىلەر مەن اياعى اۋىر ايەلدەردى كەزەكسىز وتكىزىپ جاتىر.

قىرعىزستان مەملەكەتتىك شەكارا قىزمەتى وزبەكستانمەن شەكاراداعى كەزەك ەكى ەل اراسىندا ساۋدا-ساتتىق كولەمى ارتقاندىقتان كوبەيگەنىن ايتادى. «قىرعىزستان مەن وزبەكستان جاعىندا بىردەي كەزەك بار. ارا-تۇرا، نەگىزىنەن تاڭەرتەڭ جانە ءتۇس ۋاقىتىندا، بازار بولاتىن كەزدە وسىنداي ادام مەن كولىك قاراسى كوبەيەدى» دەدى شەكارا قىزمەتى.

مەملەكەتتىك شەكارا قىزمەتىنىڭ مالىمەتىنشە، «دوستۋك» بەكەتىندە قوسىمشا شەكارادا تەكسەرۋ كابينالارى جۇمىس ىستەيدى. 2018 جىلى 15 قاڭتاردان باستاپ قىرعىزستانعا كىرەبەرىستە جانە شىعابەرىستە 10 كابينا پاسپورت تەكسەرە باستادى. شەكارادان وتەتىن ادام سانى 1,7 پايىزعا (تاۋلىگىنە 7 مىڭ ادامنان استام) ۇلعايعان. تاياۋدا تاعى ءتورت كابينا ورناتۋ جوسپارلانىپ وتىر.

2017 جىلى قىركۇيەكتە وزبەكستان قىرعىزستانمەن شەكاراداعى شەكتەۋدى جويعان. ەكى ەل ازاماتتارى جەتى جىل بويى كورشى ەلدەگى تۋىستارىنا بارا الماي جانە ساۋدا جاساي الماي قالعان ەدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590