بەيسەنبى, 23 قىركۇيەك 2021
اۋىس-ءتۇيىس 4167 10 پىكىر 1 اقپان, 2018 ساعات 19:13

مۇحتار قۇل-مۇحاممەد - سەناتور، ماۋلەن اشىمباەۆ - "نۇر وتان" توراعاسىنىڭ ورىنباسارى بولدى

اقوردا اۋىلىندا تاعى دا اۋىس-ءتۇيىس بولدى. بۇل جولى "نۇر وتان" پارتياسىنىڭ ورىنباسار توراعاسى مۇحتار قۇل-مۇحاممەد قىزمەتىنەن بوساتىلدى. پرەزيدەنت پارمەن بەرىپ، جارلىققا قول قويدى.

ەندى ەكس-ورىنباسار پارلامەنت سەناتىندا وتىراتىن بولدى. ءيا، وتكەن جەلتوقساندا عانا 57 جاسقا تولعان مۇحتار ابرارۇلى ەندى سەناتور.

ونىڭ ورنىنا ءماجىلىس دەپۋتاتى ماۋلەن اشىمباەۆ "نۇر وتان" پارتياسى توراعاسىنىڭ ءبىرىنشى ورىنباسارى بولىپ تاعايىندالدى.

"بۇگىن مەملەكەت باسشىسى "نۇر وتان" پارتياسىنىڭ ورتالىق اپپاراتىندا بولدى.
نۇرسۇلتان نازارباەۆ اتقارعان جۇمىسى ءۇشىن مۇحتار قۇل-مۇحاممەدكە العىس ايتىپ، پارتيا توراعاسىنىڭ جاڭا ءبىرىنشى ورىنباسارى ماۋلەن اشىمباەۆتى تانىستىردى", - دەپ جازىلعان اقوردانىڭ "فەيسبۋكتەگى" رەسمي پاراقشاسىنداعى اقپاردا.

ماۋلەن ساعاتحانۇلى اشىمباەۆ وسىعان دەيىن پارلامەنت ءماجىلىسىنىڭ "حالىقارالىق ىستەر، قورعانىس جانە قاۋىپسىزدىك كوميتەتىن" باسقارىپ كەلگەن. ال 2012-2016 جىل ارالاعىندا ءماجىلىستىڭ V-شاقىرىلىمىندا دەپۋتات بولدى. 2016 جىلى VI-شاقىرىلىم دەپۋتاتى بولىپ قايتا سايلاندى.

Abai.kz

10 پىكىر