سارسەنبى, 5 تامىز 2020
COVID-19 قازاقستاندا. جۇقتىرعاندار — 94882. جازىلعاندار — 67031. قايتىس بولعاندار — 1058
1718 1 پىكىر 30 قاڭتار, 2018 ساعات 10:05

دۋشانبەلىكتەر كابۋلداعى تەراكت قۇرباندارىن ەسكە الدى

تاجىك استاناسىنىڭ تۇرعىندارى اۋعانستان ەلشىلىگى الدىنا بارىپ، وتكەن سەنبىدە كابۋلداعى تەراكت قۇرباندارىنا ارناپ گۇل شوقتارىن قويدى. جارىلىستان 103 ادام قازا تاپقان. ولار مارشال فاحيم اتىنداعى اسكەري اكادەميا ماڭىندا تەراكت جاساعان سودىرلاردى ايىپتادى.

27 قاڭتاردا جانكەشتى اۋعانستان استاناسىندا ۇكىمەت ءۇيى ورنالاسقان ماڭدا تۇرعان "جەدەل جاردەم" كولىگىن جاردى. جارىلىستان 235 اسكەري مەن ءوتىپ بارا جاتقان ادامدار ءتۇرلى جاراقات الدى. جارىلىسقا جاۋاپكەرشىلىكتى "تاليبان" قوزعىلىسى الدى. 28 قاڭتاردا اۋعانستاندا ۇلتتىق ازا تۇتۋ كۇنى دەپ جاريالاندى.

اۋعانستان ەلشىلىگى ماڭىنا ونداعان قالا تۇرعىندارى مەن جۋرناليستەر، ديپلوماتتار جينالدى. جينالعانداردىڭ ىشىندە اقش-تىڭ تاجىكستانداعى ەلشىلىگى وكىلى دجەف رۋدەنۋر دە بولدى. ول اۋعان ارىپتەستەرىنە كوڭىل ايتتى.

وسىعان دەيىن اۋعانستاننىڭ TOLOnews تەلەكانالى مەن Reuters اگەنتتىگى جەرگىلىكتى ۋاقىت بويىنشا تاڭعى بەستە، شابۋىل بولعان كەزدە اسكەري اكادەميا جانىندا اتىستىڭ داۋىسى ەستىلدى دەپ حابارلعان.

شابۋىلعا جاۋاپكەرشىلىكتى "يسلام مەملەكەتى" توبى الدى دەپ حابارلاعان Reuters اگەنتتىگى.

Abai.kz

1 پىكىر