سەنبى, 26 قىركۇيەك 2020
COVID-19 قازاقستاندا. جۇقتىرعاندار — 107659. جازىلعاندار — 102360. قايتىس بولعاندار — 1699
46 - ءسوز 2936 13 پىكىر 29 قاڭتار, 2018 ساعات 09:34

«باقىتتى بالالىق شاعىمىز ءۇشىن - ءستالىن جولداسقا شەكسىز العىس!»

1936 جىلى 27 قاڭتاردا بۋريات-مۇڭعۇل سسر-ءنىڭ شەنەۋنىكتەرىنەن قۇرالعان دەلەگاتسيانى كرەملدە قابىلداعان كەزىندە يوسيف ءستالىن مۇڭعۇل سسر-ءى جەر قاتىناستارى حالىق كوميسسارى اردان ماركيزوۆتىڭ 7 جاستاعى قىزى گەليانى (ەنگەلسينا) قولىنا الىپ، سۋرەتكە تۇسەدى. ول سۋرەت «باقىتتى بالالىق شاعىمىز ءۇشىن - ءستالىن جولداسقا شەكسىز العىس!» دەگەن ۇرانمەن كۇنى كەشەگە دەيىن ناسيحاتتالىپ كەلدى.

1938 جىلى ءستالىن مەيىرىن توگىپ، قولىنا كوتەرىپ كۇلىپ تۇرعان گەليانىڭ اكەسى جاپون تىڭشىسى دەگەن جالاعا ىلىگىپ, «حالىق جاۋى» رەتىندە اتىلىپ كەتەدى دە، اناسى جاۋدىڭ ايەلى رەتىندە قازاقستانعا جەر اۋدارىلادى (الجير-گە تۇسسە كەرەك).

كەيىنىرەك، باس قاساپشىنىڭ كوزى جويىلعاننان كەيىن، سول كرەملدەگى كەزدەسۋدە بولعانداردىڭ ايتۋىنشا، كىشكەنە بەيكۇنا ءسابيدى كوتەرىپ سۋرەتكە ءتۇسىپ بولعاننان كەيىن "كۇن كوسەم" جانىنداعى وققاعارىنا ءتىسىنىڭ اراسىنان سىزدىقتاتىپ، ىزبارلى تۇردە گرۋزينشىلەپ «موماشورە ەگ تيلياني» دەپتى. ول ءسوزدى قازاقشالاساق - «مىنا بيتتەگەن بالەنى اكەتىڭدەرشى!» دەگەن ماعىنا بەرەدى ەكەن.

وسى ء(بىرىنشى) سۋرەتتەگى قىزدى كۇنى بۇگىنگە دەيىن ماقتا تەرۋدەن ۇزدىك بولعان تاجىك قىزى ماملاكات ناحانگوۆامەن شاتاستىرا بەرەدى. شىنتۋايتىندا، ءستالىن 11 جاسار ماملاكاتپەن ءداپ وسى كەزدەسۋدەن ءبىر اي بۇرىن، ياعني، 1935 جىلدىڭ جەلتوقسانىندا كەزدەسكەن كورىنەدى.

كەڭەس وداعىنا وتباسىمەن ايانباي ەڭبەك ەتىپ، ۇلەس قوسسا دا..، سوتسياليستىك ءومىردىڭ اۋىرتپالىعى مەن قايعى-شەرىن تارتقان ەنگەلسينا 2004 جىلى، ال، ماملاكات 1992 جىلى ومىردەن وزعان ەكەن...

قانات ەسكەندىر

Facebook-تەگى پاراقشاسىنان

13 پىكىر