اناسى قىتايدا تۇتقىندا وتىرعان سابيلەردىڭ زارى
قازاقستان ازاماتى مۇقامەت قىزىربەكۇلىنىڭ قۇداي قوسقان قوساعى امانجول قيساقىزى ءۇش ايدان بەرى قىتايدىڭ ءۇرىمجى قالاسىنداعى "ساياسي ءتالىم-تاربيە ورتالىعى" دەپ اتالاتىن لاگەردە قاماۋدا وتىر.
مىنا ۆيدەو "مەن - قازاقپىن" دەيتىن ءار ازاماتتىڭ كوزىنەن جاس شىعارارى ءسوزسىز. بىراق، كوزىمىزدى جاسقا شىلاپ وتىرا بەرمەكپىز بە؟
;app=desktop
اناسىن ساعىنعان سابيلەردىڭ زارىن ەستىر قۇلاق تابىلار ما؟ ءبىزدىڭ ۇلتشىل ازاماتتار قايدا؟ قازاق بۇلدىرشىندەرىن جىلاتىپ قويىپ، سىرتقى ىستەر مينيسترلىگى نە قاراپ وتىر؟ بۇۇ-عا، باسقا دا ادام قۇقىقتارى جونىندەگى حالىقارالىق ۇيىمدارعا قىتايدا بولىپ جاتقان سوراقى جايلاردى جەتكىزەر جان تابىلماعانى ما؟
ساياسات - ساياساتىمەن. سولاي ەكەن دەپ مىنانداي ءبۇلدىرشىن بالالاردى زار قاقساتىپ قويۋ - تاۋەلسىز قازاق ەلىنە سىن.
قىتاي قازاقتارىنىڭ باسىنا قارا بۇلت ءۇيىرىلدى. وسىنداي ساتتە قازاقتىڭ مەملەكەتى قازاق ازاماتتارى سۇلەسوق كەيىپتە وتىرۋى "قازاقتىڭ قايعىسىن ءوز قايعىم" دەپ بىلمەۋى ءبىزدى وكىندىرەدى.
قانات بىرلىكۇلى
Abai.kz
