جۇما, 29 ناۋرىز 2024
بۇ نە مازاق؟ 6866 7 پىكىر 26 قاڭتار, 2018 ساعات 13:49

ءابساتتاروۆ كەلدى دە، الەك سالدى!

 

جاز بويى الماتى قالاسىنىڭ جاڭارىپ، كوشە مەن كوشە اراسىنداعى جۇرگىنشىلەر  جولى كوركەم كەلبەتكە ەنگەنىن كوزىمىزبەن كوردىك. ۆەلو-قۇرىلىمعا لايىقتالىپ جاسالعان جولاقتار قالامىزعا اۋاداي قاجەت ەكەنى انىق. الماتى قالاسىنىڭ اكىمدىگى قاراپايىم حالىق ءۇشىن وتە قاجەتتى وسىنداي شارۋالاردى ويداعىداي اتقاردى.

دەسە دە، بىتكەن ىسكە سىنشى كوپ. وتكەن اپتادا ءبىرتوپ بيزنەس وكىلدەرى - ناقتىلاي ايتساق، الماتى قالالىق "اتامەكەن" كاسىپكەرلەر پالاتاسىنىڭ جاڭا باسشىسى  دىنمۇحاممەد ءابساتتاروۆ باس بولىپ، الماتى قالاسىنداعى وڭ وزگەرىستەرگە نارازىلىق ءبىلدىرىپ، كوشە بويىنا كولىك قوياتىن جەر قالدىرىپ، قوناەۆ كوشەسىندەگى ۆەلو-جولاقتى الىپ تاستاۋدى تالاپ ەتتى. نارازىلىق بىلدىرگەن 95 كاسىپكەردىڭ بارلىعى دا «ۆوسحود» دۇكەنىن جالعا العان ازاماتتار ەكەن.

الماتى اكىمدىگى كاسىپكەرلەردىڭ وڭ ىستەردى باعالاي الماي وتىرعانىن، قالامىزداعى كولىكتىڭ كوپتىگىنەن تىنىسىمىز تارىلىپ جاتقانىن ەسكەرمەگەنىن ايتىپ، بۇل نارازىلىقتىڭ نەگىزسىز ەكەنىن حابارلادى.

ارينە، كاسىپكەرلەردىڭ قۇقىعىن قورعاۋ كەرەك. بىراق، ول قۇقىق قاراپايىم حالىقتىڭ قۇقىعىن اياققا تاپتاپ ىسكە اسپاۋعا ءتيىس. وسى جازدا الماتى اكىمدىگى قالا تۇرعىندارى مەن قالا قوناقتارى ءۇشىن جايلىلىق تۋعىزاتىن بۇكىل جۇمىستاردى جۇيەلى جۇرگىزدى. كوشە بويىنداعى زاڭسىز اقىلى اۆتوتۇراقتار جويىلىپ، كىم كورىنگەننىڭ قالتاسىنا كەتىپ جاتقان كولەڭكەلى تابىسقا شەكتەۋ قويىلدى. كوشەلەر كۇردەلى جوندەۋدەن ءوتىپ، جاياۋ جۇرگىنشىلەرگە بارلىق ءتيىمدى جاعدايلار جاسالدى. بۇل ءىس جالعاسىن تابا بەرسە ەكەن دەيدى الماتىلىقتار. ال، "اتامەكەنگە" تاياۋدا عانا باسشى بولىپ كەلگەن ءابساتتاروۆ بولسا، وسى ءبىر يگىلىكتى ءىستىڭ الەك-شالەگىن شىعارىپ، ات توبەلىندەي از عانا توپتىڭ مۇددەسىن الدىعا قويىپ وتىر. توقتاڭىز، دىنمۇحاممەد مىرزا! كاسىپكەرلەر الدىمەن كوپشىلىكتىڭ ورايىنداعى وڭ ىستەرگە مۇرىندىق بولۋى كەرەك. ءوزىمىز بىلەتىن وركەنيەتتى ەلدەردە، ايتەۋىر، سولاي. ونىڭ ۇستىنە بۇگىنگى قالا ءومىرى تىنىستايتىن اۋانى اسا قاجەت ەتەدى، تۇرعىندار ءۇشىن دەمالىپ، سەرۋەن قۇراتىن سكۆەرلەر، اللەيالار كەرەك. بارلىق قالا قازىر وسى ترەندكە اۋىسقان. كاسىپكەرلەر دە سوعان تەز بەيىمدەلۋدە. وكىنىشكە قاراي، ءبىزدىڭ كاسىپكەرلەردىڭ عانا كەي ىستەردە كەجەگەسى كەرى تارتىپ جۇرەدى. ءابساتتاروۆتاردىڭ ىڭعايىنا باقساق، الماتىنى تۇتاس ساۋدا-ساتتىقتىڭ الاڭىنا اينالدىرىپ، اياق جول قالدىرىماي، ءبارىن اۆتوكولككە بەرۋ كەرەك سياقتى. ءسويتىپ، الماتىنىڭ تىنىس-تىرشىلىگىنەن بەيحابارلاۋ ءاباستتاروۆ كەلىپ الەك سالۋدا...

ءشارىپحان قايسار

Abai.kz

 

 

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3551