جۇرگىزۋشىلەردە قازاقستان قىلمىستىق كودەكسىنىڭ 345-بابى (كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى) 4-تارماعى بويىنشا ايىپ تاعىلعان. بۇل تارماق بويىنشا بەس جىلدان ون جىلعا دەيىن باس بوستاندىعىنان ايىرۋ جازاسى قاراستىرىلعان.

جاسۇلان داۋلەمباەۆتىڭ مالىمەتىنشە، اۆتوبۋستاعى ورتتەن امان قالعان ءۇش قازاقستاندىق 24 قاڭتار كۇنى كەشكى وندا اقتوبەدەگى تەرگەۋ يزولياتورىنا قامالعان. كۇدىكتىلەردى ىشكى ىستەر مينيسترلىگى تەرگەۋ دەپارتامەنتىنىڭ جەدەل-تەرگەۋ توبى تەرگەپ جاتىر. الدىن-الا تەرگەۋ كەزىندە اۆتوبۋس جۇرگىزۋشىلەرىنىڭ سالوندى دانەكەرلەۋشى لامپامەن جىلىتىپ، اۆتوكولىكتى پايدالانۋ ەرەجەسى مەن ءورت قاۋىپسىزدىگى ەرەجەسىن بۇزعانى انىقتالعان.

تەرگەۋ اۆتوبۋستىڭ ورتەنىپ كەتۋىنە ءۇش جۇرگىزۋشىنى دە ايىپتايدى. بۇل قىلمىستىق ءىستىڭ تەرگەلۋ بارىسىن باقىلاۋ پروتسەسسۋالدىق پروكۋرورلار توبىنىڭ 1-قىزمەتىنە، اقتوبە جانە وڭتۇستىك قازاقستان وبلىستىق پروكۋراتۋراسىنا جۇكتەلگەن.

جاسۇلان داۋلەمباەۆ ءىستى قازاقستاننىڭ باس پروكۋراتۋراسى مەن ىشكى ىستەر مينيسترلىگى دە باقىلاپ وتىرعانىن حابارلادى.

Abai.kz