بەيسەنبى, 28 ناۋرىز 2024
اكىمنىڭ ءىسى 6164 23 پىكىر 23 قاڭتار, 2018 ساعات 12:21

Cاۋرانباەۆ: دوپولنەنيە وبيازاتەلنو نەتىپ نەعىلىڭدار

تاعى دا ءتىل ماسەلەسى تالقىعا ءتۇستى. شىمكەنتتەگى ءال-فارابي اۋدانىنىڭ اكىمى باۋىرجان قالجانوۆ مىرزا وتكەن جىلعى اتقارعان شارۋالارىن تۇيىندەپ، جۇرتقا ەسەپ بەرۋ جيىنىن وتكىزگەن. جيىن قازاقستاننىڭ مەملەكەتتىك تىلىندە، ياعني قازاق تىلىندە وتكەن.

سول جيىنعا كەلگەن تىڭداۋشى توپتىڭ ىشىنەن ءبىر ازامات اكىمدى قازاق تىلىندە سويلەگەنى ءۇشىن سوگىپ، وكپە-رەنىشىن سول جەردە بىلدىرگەن.

"رەگلامەنتپەن جۇمىس جاسايمىز. نۇرسۇلتان اعا ءابىشۇلى نازارباەۆ ءاردايىم ەكى تىلدە سويلەيدى. اكىمدىك - مەملەكەتتىك مەكەمە. ءسىز، قۇرمەتتى اكىم مىرزا، كونستيتۋتتسيانىڭ ءبىر بابىن بۇزىپ وتىرسىز. راحمەت!",-دەپتى الگى كىسى.

اكىمگە قوس تىلدە سويلەي قويمادىڭ دەگەن ازامات رەسەيدىڭ مەملەكەتتىك تىلىندە سويلەگەن. ءوز سۇراعان كرەملدىڭ رەسمي تىلىندە قويعان.

بۇل "سىنعا" اۋدان اكىمى باۋىرجان احمەتالىۇلى قالجانوۆ مىرزا جاۋاپ بەرمەدى.

سويتسە، جيىن تورىندە شىمكەنت قالاسىنىڭ اكىمى نۇرلان ساۋرانباەۆ دەيتىن ازامات تا وتىرعان ەكەن. الگى جەردە، سۇراق قويۋشىنى قولداي سويلەگەن ايىر ءتىلدى اكىم مىرزا بىلاي دەيدى:

"ەلباسى بىزگە پريمەر دە كورسەتىپ جاتىر. ۆەزدە نا ۆسەح مەروپرياتياح دولجنى ۆەستيس نا دۆۋح يازىكاح. ۆوت ۆى پوسلانيە جولداۋدى سوڭعى ەستىدىڭىز عوي؟ دۆا ۆوپروستى ەلباسى قازاقشا ايتتى، ەكى ۆوپروستى ورىسشا ايتتى. پوەتومۋ ۆ ەتوم وتنوشەني دوستۋپنوست ينفورماتسي ي كونستيتۋتسيوننايا پراۆا وني دولجنى ۆسەگدا سوبليۋداتسيا. پوەتومۋ باۋىرجان ء(ال-فارابي اۋدانىنىڭ اكىمى) 10 بالنىي سيستەما، ساعان… سىزگە ءبارى سولاي دەدى. بىراق، مىنا جاعىنان يا دۋمايۋ ەست ۆوپروسى كوتورىە… بايانداما جاساعاندا تاعى دا ىشىندە يلي دوپولنەنيە وبيازاتەلنو نەتىپ نەعىلىڭدار. ول جاعىنان يا دۋمايۋ پراۆيلنوە زامەچانيە وت جيتەليا گورودا بىلا. پوەتومۋ ەتي ۆوپروسى يا دۋمايۋ چتو نادو وبيازاتەلنو سوبليۋدات".

جيىن قورىتىندىسى بويىنشا، شىمكەنتتىڭ اكىمى اۋدان باسشىسىنىڭ جۇمىسىنا وڭ باعا بەرگەن.

قازىر الەۋجەلى قولدانۋشىلارى شىمكەنت قالاسىنىڭ اكىمى نۇرلان ساۋرانباەۆتىڭ سالا-قۇلاش سوزدەرىن قىزۋ تالقىلاپ جاتىر. شەشەندىكتىڭ "شەبەر" ۇلگىسىن كورسەتكەن نۇرەكەڭنىڭ قوس تىلگە جۇيرىك "پوليگلوت" ەكەنىن ەكىنىڭ ءبىرى بىلە بەرمەيتىن. ونى قويشى، نۇرلان ساۋرانباەۆ دەيتىن اكىمنىڭ بار-جوعى بەلگىسىز ەدى عوي. ەندى، بۇكىل قازاق قوعامى ساۋرانباەۆتى تانىدى.

تەك، سوراقاسى - 100 پايىز قازاق تىلىندە بايانداما جاساعان اۋدان اكىمى، رەسەيدىڭ مەملەكەتتىك تىلىندە سويلەي قويماعانى ءۇشىن ەكى مارتە ەسكەرتۋ الدى.

نۇرزات توعجان

Abai.kz

23 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2249
عيبىرات

قايسار رۋحتى عازيز جان

مۇحتار قۇل-مۇحاممەد 3499