سارسەنبى, 25 قاراشا 2020
COVID-19 قازاقستاندا. جۇقتىرعاندار — 127580. جازىلعاندار — 114347. قايتىس بولعاندار — 1990
اقمىلتىق 2934 5 پىكىر 23 قاڭتار, 2018 ساعات 08:54

استانا مينسكىنىڭ نازارباەۆ باستاماسى تۋرالى سىنىنا جاۋاپ بەردى

استانا قازاقستان پرەزيدەنتى نۇرسۇلتان نازارباەۆتىڭ بەلارۋستىڭ ۋكراينا بەيبىت كەلىسسوزى وتەتىن جەردى مينسكىدەن استاناعا اۋىستىرۋدى سىناعان مالىمدەمەسىنە جاۋاپ بەردى.

قازاقستان سىرتقى ىستەر ءمينيسترىنىڭ ورىنباسارى ەرجان اشىقباەۆ 22 قاڭتاردا استانادا جۋرناليستەرگە قازاقستان مينسكىدە وتەتىن كەلىسسوزدىڭ ماڭىزدىلىعىنا «كۇمان كەلتىرمەيتىنىن» جانە بەلارۋس استاناسىندا قول قويىلعان بەيبىت كەلىسسوزدى «قۇرمەتتەيتىنىن» ايتتى.

«ءبىز مينسك پروتسەسىنە كيلىگىپ وتىرعان جوقپىز. بىراق، قازاقستان ماسەلەنىڭ شەشىمىن تابۋدا قولداۋ كورسەتۋگە ۇنەمى دايىن» دەدى اشىقباەۆ. ول بۇعان قوسا استانا جانجالداسۋشى تاراپتار سۇراعانداي بولسا، كەلىسسوز وتكىزۋگە الاڭ ۇسىنۋعا بارلىق كۇشىن سارپ ەتەتىنىن ايتتى.

بەلارۋس سىرتقى ىستەر ءمينيسترى ۆلاديمير ماكەي قاڭتاردىڭ 19-ىندا كەلىسسوزدەردى جاڭا ورىنعا اۋىستىرعاننان وزگەرىس بولمايتىنىن ايتقان. "ەگەر تابىسقا جەتەدى دەگەن نىق سەنىم بولسا، وندا ۋكراينا بويىنشا كەلىسسوزدەردى ءتىپتى انتاركتيداعا اۋىستىرۋعا بولادى", - دەگەن ماكەي. ونىڭ مالىمدەۋىنشە، بەلارۋس وزگەلەرمەن سالىستىرعاندا "بىتىمگەر اتانۋعا تىراشتانبايدى".

ال كرەمل 2015 جىلى جاسالعان مينسك كەلىسىمدەرىنىڭ تالاپتارىن ورىنداۋبەيىلدىلىك ۋكرايناداعى جانجالدى رەتتەۋ جونىندەگى كەلىسسوز وتەتىنورىننان دا ماڭىزدى ەكەنىن مالىمدەگەن.

قازاقستان پرەزيدەنتى نۇرسۇلتان نازارباەۆ وتكەن اپتادا اقش-قا ساپارى بارىسىندا اق ۇيدە پرەزيدەنت دونالد ترامپپەن كەزدەسۋىندە ۋكراينا تاقىرىبىن تالقىلاعاندارىن، ترامپ ول كەلىسسوزدەردى باسقا جەرگە اۋىستىرۋدى ۇسىنعانى تۋرالى ايتقان بولاتىن.

مينسكىدە 2014 جىلدان بەرى ۋكرايناداعى جانجالدى رەتتەۋگە باعىتتالعان بەيبىت كەلىسسوزدىڭ بىرنەشە كەزەڭى وتكەن. مينسكىدە 2014 جىلى قىركۇيەكتە جانە 2015 جىلى اقپاندا دونباستاعى قاقتىعىستى توقتاتۋ تۋرالى كەلىسىم جاسالعانىنا قاراماستان، جانجال ءالى كۇنگە تولىق رەتتەلمەي وتىر.

2014 جىلى كوكتەمدە ۋكراينانىڭ شىعىسىندا ۇكىمەت اسكەرى مەن رەسەي قولدايتىن سەپاراتيستەر اراسىندا قارۋلى جانجال باستالعالى بەرى 10 مىڭنان اسا ادام قۇربان بولعان.

Abai.kz

5 پىكىر