بەيسەنبى, 28 ناۋرىز 2024
دەپ جاتىر 5270 3 پىكىر 16 قاڭتار, 2018 ساعات 09:32

تەڭگەدەگى شاعالا سۋرەتىنىڭ داۋى

كانادالىق فوتوگراف ءوزى تۇسىرگەن سۋرەتىن قازاقستان تەڭگەگە رۇقساتسىز باستى دەپ ەسەپتەيدى. ونتاريولىق كەيت تەستەر ۇلتتىق بانكتەن جاۋاپ كۇتەدى.

بۇعان دەيىن شۆەيتساريالىق فوتوگراف مارسەل بۋركحارد 500 تەڭگەلىك بانكنوتتاعى شاعالالاردىڭ ءبىرىن ءوزى تۇسىرگەنىن ايتىپ، بانكتەن سەرتيفيكات تالاپ ەتكەن. ەندى وعان كانادالىق اۋەسقوي فوتوگراف كەيت تەستەر قوسىلىپ وتىر. تەستەر "بانكنوت ديزاينىندە قولدانىلعان شاعالانىڭ اۆتورىن قازاقستان مويىنداۋى كەرەك" دەپ ەسەپتەيدى.

تەستەر بۇل سۋرەتتىڭ 2010 جىلى جازدا كانادانىڭ سەندبەك پرۆينتسياسىنداعى حانزادا ەدۋارد ارالىندا تۇسىرىلگەنىن ايتتى. العاش رەت سۋرەت سول جىلى Deviantart سايتىندا 24 ماۋسىمدا جاريالانعان. سۋرەتىنىڭ بانكنوتتا باسىلعانىن ول جاقىندا عانا بىلگەن.

- بۇل روجدەستۆو كۇندەرى بولاتىن. مەن Deviantart سايتىنداعى اككاۋنتىمدى اشىپ، ەكى حابارلاما كەلگەنىن كوردىم. ءبىرىنشىسىن اشىپ قاراسام، سايت مۇشەلەرىنىڭ ءبىرى مەنىڭ سۋرەتىمنىڭ ۇرلانعانىن ايتىپ، سىلتەمەسىن جىبەرىپتى. سىلتەمەنى اشسام وندا تەك داۋدىڭ جاي-جاپسارى عانا باياندالىپتى، سۋرەتىمدى كورە المادىم. ەكىنشى حابارلامانى اشسام، وندا مارسەلدىڭ (مارسەل بۋركحارد - رەد) تۇسىرگەن شاعالاسى مەن ءوزىم تۇسىرگەن سۋرەتتەردى كوردىم. Deviantart سايتىنداعى اككاۋنتىما سىلتەمە جاساپ قويىپتى. تاڭ قالدىم. ماعان حابارلاما جىبەرگەن ادام مارسەلگە حابارلاسقانىڭ ءجون دەپتى. مەن سودان بەرى ياعني جەلتوقساننىڭ 26-نان بەرى مارسەلمەن بايلانىستامىن، - دەيدى كەيت تەستەر.

ادۆوكات جالداۋعا قارجى جوقتىعىن ايتقان فوتوگراف قازاقستاننىڭ ۇلتتىق بانك سۋرەتتى قولدانعانىن مويىنداسا دەيدى. ازىرگە بانك وكىلدەرى فوتوگرافكە حابارلاسپاعان.

ۇلتتىق بانك قۇستاردىڭ قيمىل قوزعالىستارى ءبىر-بىرىنە ۇقساس بولا بەرەتىنىن، ديزاينەرلەر سۋرەتتەردى گرافيكا باعدارلامالارىن قولدانباي، قولمەن سالاتىنىن مالىمدەگەن.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2254
عيبىرات

قايسار رۋحتى عازيز جان

مۇحتار قۇل-مۇحاممەد 3521