بەيسەنبى, 28 ناۋرىز 2024
انە، كوردىڭ بە؟ 6827 14 پىكىر 15 قاڭتار, 2018 ساعات 11:10

نەگە قازاقتار قازاقستاننان كەتىپ جاتىر؟

نەگە قازاقتار قازاقستاننان كەتىپ جاتىر؟ كەتىپ جاتقانداردىڭ ءبارى جەمقور ياكي پاراقور ەمەس قوي. ولاردىڭ ۇلەسى 10% عانا. ال قالعان 90%-ى جاستار. ءيا، 25-35 جاس ارالىعىنداعى قىلشىلداپ تۇرعان جاستار. مەملەكەتتى توڭكەرىپ تە، كوتەرىپ تە تاستاي الاتىن جاستاعى جاندار.

ەنەرگياسى مەن بولاشاققا دەگەن جوسپارى تولى، ەرتەڭگى كۇنگە كۇلىپ قارايتىن جاندار. قازىر وزىممەن جاستى قىزدارمەن، ۇلدارمەن باس قوسا قالساق بولدى، ەكىنىڭ ءبىرى شەتەلگە كەتكىسى كەلەتىنىن ايتادى. ولار ءۇشىن باستى كەدەرگى اعىلشىن ءتىلىن جەتىك بىلمەۋىندە بولىپ وتىر. ال ەرتە مە، كەش پە ول قورشاۋدىڭ دا جويىلارى انىق. ءتىپتى مەكتەپتە "ماي نەيم ءيزدى" ايتا المايتىن كەي تانىستارىم، شەتەلگە تابان جالتىراتۋ ءۇشىن، بۇگىندە اق تەر، كوك تەر بولىپ جۇزدەگەن مىڭ تەڭگەسىن شاشىپ، ءتىل كۋرسىن وقىپ جاتىر. كەتكىسى كەلەتىندەردىڭ كوبىسى وقۋعا بارعىسى كەلەتىنىن، ىڭعايى كەلسە سوندا قالاتىنىن ايتسا، ەندى ءبىر بولىگى ءبىرجولاتا شەتەلگە قونىس اۋدارعىسى كەلەدى. "سوندا قونىس اۋدارساق ءبارى جاقسى بولادى" دەگەن ۇمىتتە. ولاردىڭ ىشىندە وسىدان بەس جىل بۇرىن قازاقستان ءۇشىن جۇرەگىن جۇلىپ بەرۋگە دايىن ەكەندىگىن ايتقان جانە شىندىعىندا سونداي سەزىمدە بولعان جىگىتتەر مەن قىزدار بار. ولاردىڭ ولشەۋسىز، شەكسىز وسىناۋ پاتريوتتىق سەزىمىن كەرى باعىتتا توڭكەىرىپ تاستاعان نە بولۋى مۇمكىن؟ ارينە جەمقورلىق، قوعامدىق الەۋمەتتىك تەڭسىزدىك، ەرتەڭگى كۇنگە دەگەن سەنىمسىزدىك. كەتىپ جاتقانداردىڭ كوبىسى وتە ءبىلىمدى جاندار. قازاقستاندا تۋرا توقسانىنشى جىلدارداعىداي "اقىلدىلار اعىنى" (ۋتەچكا موزگوۆ) بولىپ جاتقان سىندى.

"قيىن-قىستاۋ ساتتە دە ءوز جەرىمىزدە بولعانبىز", "قارا سۋ ءىشىپ، قارا نان جەسەك تە ءوز ەلىمىزدە قالۋعا ءتيىسپىز" دەگەن قۇرعاق ءسوز، ۇران ەندىگى تاڭدا ولاردى ۇستاپ قالا المايدى. ولاردى وسىندا قالۋعا يتەرمەلەيتىن ەكونوميكالىق، ادىلەتتى رەفورمالار جاسالۋعا ءتيىس. ول رەفورمالار ءار جاستىڭ جۇرەگىندە ەرتەڭگى كۇنگە دەگەن سەنىم وتىن جاعۋعا مىندەتتى.

ال ازىرگە 179 مىڭ دوللارعا بىرەۋ تورت ساتىپ الىپ، ەندى بىرەۋ 30 مىڭ ايلىق الىپ جاتقان ساتتە كەتۋ توقتامايدى. ويتكەنى ولار قوعامداعى تەڭسىزدىكتى انىق كورىپ وتىر. ال بۇگىنگىدەي داراقىلىق ونى ءتىپتى ايشىقتاي تۇسۋدە.

اسحات قاسەنعالي

Abai.kz

14 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516