كوكشەتاۋ. 25 جەلتوقسان. قازتاگ – كوكشەتاۋدا كەراميكالىق كىرپىش شىعاراتىن «ENKI» زاۋتى پايدالانۋعا تاپسىرىلدى. ونىڭ قۇنى ت6 ملرد 178 ملن. وندىرىستىك قۋاتى جىلىنا 60 ملن دانا كىرپىش شىعارا الادى.

زاۋىتتىڭ اشىلۋ راسىمىندە سويلەگەن سوزىندە وبلىس اكىمى سەرگەي دياچەنكو: «بۇل قازاقستانداعى ءتۇرلى-ءتۇستى كىرپىش شىعاراتىن جالعىز زاۋىت، سوندىقتان ول مەملەكەتتىك «قازاقستاننىڭ 2010-2014-ءشى جىلدارعا ارنالعان ۇدەمەلى يندۋستريالىق-يننوۆاتسيالىق دامۋى» باعدارلاماسىنا ەنگىزىلگەن»، - دەپ اتاپ ءوتتى.

زاۋىت ديرەكتورى دانيل گالامبەلدىڭ ايتۋىنشا، جارتى جىلدىڭ ىشىندە زاۋىتتا تولىق قۋاتىنا شىعۋ جوسپارلانۋدا. «ول ءۇشىن بارلىق العىشارتتار بار – مامانداردان باستاپ جاڭا جابدىقتارعا دەيىن. ءونىمنىڭ 30% ەكسپورتقا، نەگىزىنەن رەسەيگە كەتەدى»، - دەدى ديرەكتور.

«ENKI» زاۋىتىندا 250 جۇمىس ورنىن اشۋ جوسپارلانۋدا دەلىنگەن اقپاراتتىق باياندا. جىلىنا سالىق تۇرىندەگى جانە بيۋدجەتكە مىندەتتى تولەنەتىن قاراجات سوماسى ت400 ملن بولماقشى.

جوبانىڭ ەرەكشەلىگى، مۇندا يسپانيالىق «Solinser» فيرماسىنىڭ جەلىسى ورناتىلاتىندىعىندا. ول الەمدە تانىلعان كىرپىش زاۋىتتىرانىڭ جابدىقتارىن شىعارۋشى جانە ءار ءتۇرلى-تۇستەگى كىرپىشتەردىڭ 30 ءتۇرىن شىعارۋعا جانە ءىرى فورماتتاعى قۇرىلىس كىرپىشىن شىعارۋعا مۇمكىندىك بەرەدى. ءوندىرىس تولىعىمەن اۆتوماتتاندىرىلعان. زاۋىتتا قازاقستاننىڭ قۇرىلىس الاڭدارىن ونىممەن قامتاماسىز ەتۋ، سونداي-اق ءونىمدى رف-ءنىڭ شەكارالىق اۋماعىنا ەكسپورتتاۋ كوزدەلگەن.