جۇما, 1 شىلدە 2022
3730 0 پىكىر 29 جەلتوقسان, 2017 ساعات 08:55

قىرعىزستاندا بەسىنشى كانال جۋرناليستەرى جاپپاي جۇمىستان كەتىپ جاتىر

قىرعىزستاندا مەملەكەتتىك مۇلىكتى باسقارۋ قورى بەسىنشى كانالدىڭ مۇلكىن تىزىمگە الىپ جاتىر. ال قىزمەتكەرلەرى قارجىلىق پروبلەمادان جاپپاي جۇمىستان كەتىپ جاتىر. تەلەكانالدى كىم باسقاراتىنى ازىرگە بەلگىسىز.

بەسىنشى كانالدىڭ قازىرگى يەسى رەتىندە تانىلاتىن مەملەكەتتىك مۇلىكتى باسقارۋ قورىنىڭ توراعا ورىنباسارى بەكبولوت اليەۆ قانداي قيىندىق بولسا دا، تەلەارنا جۇمىسىن جالعاستىرا بەرەتىنىن ايتادى.

"تەلەكانالدىڭ بارلىق مۇلكى، تەحنيكالارى، قۇجاتتارى تۇگەندەلىپ جاتىر. باسشىلىق جانە بىرقاتار قىزمەتكەرلەرى جۇمىستان بوساتىلادى. ال تەحنيكاعا جاۋاپتىلار جۇمىستارىن جالعاستىرىپ جاتىر. ارنانىڭ ەفيرى توقتامايدى", - دەدى اليەۆ.

الايدا تەلەارنانى قارجىلاندىرۋ جاعى ءالى بەلگىسىز. بەكبولوت اليەۆ بۇل ماسەلەگە قاتىستى ۇكىمەت جاۋاپ بەرەدى دەيدى.

تەلەكانال ۇجىمى 27 جەلتوقساندا جۇمىستان كەتەتىندەرىن جاريالادى. كومپانيا ديرەكتورى ەۆگەنيا بەردنيكوۆا 15 جەلتوقساندا قارجىلىق پروبلەمادان ءدال وسىنداي ارىز جازعانىن حابارلاعان.

بۇل تەلەارنانىڭ باستاپقى اتى كوورت بولعان، ءارى بۇل ەلدىڭ بۇرىنعى پرەزيدەنتتەرى اسقار اقاەۆتىڭ، كەيىن قۇرمانبەك باكيەۆتىڭ اينالاسىنداعى ادامدارعا تيەسىلى بولاتىن. 2011 جىلى كومپانيا مەملەكەت مەنشىگىنە ءوتتى. وندا 80 ادام جۇمىس ىستەپ كەلدى.

Abai.kz

0 پىكىر

ۇزدىك ماتەريالدار

اقمىلتىق

«قيالشىلدار كلۋبى»

ءامىرجان قوسان 448
انىق-قانىعى

كىمنىڭ كىم ەكەنىن بىلە ءجۇرسىن دەپ...

اۋىت مۇقيبەك 355