سارسەنبى, 29 ماۋسىم 2022
4480 2 پىكىر 29 جەلتوقسان, 2017 ساعات 08:52

جەزوكشەلەر ۇيىنە اينالعان بالالار ءۇيى تەكسەرىلىپ جاتىر

فەرعانا وبلىسىنىڭ پروكۋراتۋراسى مارعيلون قالاسىنداعى №1 بالالار ۇيىنە مەملەكەتتەن جانە حالىقارالىق ۇيىمداردان بولىنگەن قارجىنى ۇرلاۋ جانە تاربيەلەنۋشىلەرگە جىنىستىق زورلىق كورسەتۋ دەرەكتەرى بويىنشا قىلمىستىق ءىس قوزعادى.

دەرەككوزگە قاراعاندا، №1 بالالار ءۇيىنىڭ ديرەكتورى كاحرامون وريپوۆ پەن مەكەمە كۇزەتشىسى قاماۋعا الىنعان. ديرەكتوردىڭ ەكى ورىنباسارى مەن ونشاقتى تاربيەلەۋشى جانە باس ەسەپشى جۇمىستان بوساتىلعان. ولارعا قاتىستى قىلمىستىق ءىس قوزعالعان.

دەرەككوزدىڭ حابارلاۋىنشا، بالالار ءۇيىنىڭ ديرەكتورى تۋىستارى مەن دوستارىن جۇمىسقا الىپ، ميلليونداعان قارجى جىمقىرعان.

مۇنان بولەك بالالار ءۇيىنىڭ تاربيەلەنۋشى قىزدارىن جەزوكشەلىكپەن اينالىسۋعا ماجبۇرلەگەن. قازىر بۇل ءىستى تەرگەۋشىلەر باقىلاۋىنا العان. قىزداردى دارىگەرلەر تەكسەرىپ جاتىر.

– بالالار ءۇيىنىڭ باسشىلىعى مەكەمەنى جەزوكشەلەر ۇيىنە اينالدىرىپ جىبەرگەن. جەتىمدەرگە بولىنگەن ميلليونداعان قارجىنى جىمقىرعان. قازىر بۇل ىسپەن پروكۋراتۋرا اينالىسىپ جاتىر، – دەيدى قۇقىق قورعاۋ سالاسىنداعى قىزمەتكەر.

وسىعان دەيىن وزبەكستاندا مەكتەپ جاسىنا دەيىنگى مەكەمەلەر تۇنگى ۋاقىتتا ەرەسەكتەردىڭ كوڭىل كوتەرەتىن ورىندارىنا اينالىپ كەلگەنى ايتىلعان.

Abai.kz

2 پىكىر